У Брэсце мужчына паблытаў аўтамабілі, а потым, пакатаўшыся, зрабіў шкоды на 1700 рублёў
У міліцыю звярнулася жанчына: уначы невядомы перакуліў яе матацыкл Yamaha і пашкодзіў яго. Былі пашкоджаныя рама, пластыкавыя элементы і выхлапная труба. Міліцыя знайшла віноўніка.
40‑гадовы мужчына расказаў, што напярэдадні разам з братам піў. Увечары вырашыў не вяртацца дадому, а пераначаваць у машыне сябра. Аўтамабіль быў незачынены і стаяў каля пад’езда. Паколькі ключы знаходзіліся ў салоне, мужчына пакатаўся паблізу дома і заснуў.
Раніцай, не разумеючы, што гэта за аўтамабіль, адправіўся дадому.
Як высветлілася, берасцеец заснуў не ў машыне сябра, дзе планаваў пераначаваць, а ў зусім іншым незачыненым аўтамабілі. Пры гэтым падчас паездкі ён перакуліў матацыкл, які быў прыпаркаваны побач.
Аднак за свае дзеянні давядзецца адказваць. Для высвятлення памеру шкоды, нанесенай матацыклу, была прызначана аўтатавараназнаўчая экспертыза.
Эксперт Дзяржаўнага камітэта судовых экспертыз прыйшоў да высновы, што памер шкоды складае 1370 рублёў.
Але цяпер мужчыне неабходна не толькі кампенсаваць нанесеную шкоду, але і заплаціць штраф за кіраванне транспартным сродкам у нецвярозым стане.
Цяпер чытаюць
Дзяцей-футбалістаў з Рэчыцы павезлі ў Геленджык па прыфрантовай вобласці Расіі. У аўтобус папаў беспілотнік15
Каментары