U Breście mužčyna pabłytaŭ aŭtamabili, a potym, pakataŭšysia, zrabiŭ škody na 1700 rubloŭ
U milicyju źviarnułasia žančyna: unačy nieviadomy pierakuliŭ jaje matacykł Yamaha i paškodziŭ jaho. Byli paškodžanyja rama, płastykavyja elemienty i vychłapnaja truba. Milicyja znajšła vinoŭnika.
40‑hadovy mužčyna raskazaŭ, što napiaredadni razam z bratam piŭ. Uviečary vyrašyŭ nie viartacca dadomu, a pieranačavać u mašynie siabra. Aŭtamabil byŭ niezačynieny i stajaŭ kala padjezda. Pakolki klučy znachodzilisia ŭ sałonie, mužčyna pakataŭsia pablizu doma i zasnuŭ.
Ranicaj, nie razumiejučy, što heta za aŭtamabil, adpraviŭsia dadomu.
Jak vyśvietliłasia, bieraściejec zasnuŭ nie ŭ mašynie siabra, dzie płanavaŭ pieranačavać, a ŭ zusim inšym niezačynienym aŭtamabili. Pry hetym padčas pajezdki jon pierakuliŭ matacykł, jaki byŭ pryparkavany pobač.
Adnak za svaje dziejańni daviadziecca adkazvać. Dla vyśviatleńnia pamieru škody, naniesienaj matacykłu, była pryznačana aŭtatavaranaznaŭčaja ekśpiertyza.
Ekśpiert Dziaržaŭnaha kamiteta sudovych ekśpiertyz pryjšoŭ da vysnovy, što pamier škody składaje 1370 rubloŭ.
Ale ciapier mužčynie nieabchodna nie tolki kampiensavać naniesienuju škodu, ale i zapłacić štraf za kiravańnie transpartnym srodkam u niećviarozym stanie.
Kamientary