Ведамства завяло крымінальную справу за паклёп.
«У чэрвені праз розныя інтэрнэт-рэсурсы пачала распаўсюджвацца ілжывая інфармацыя пра затрыманне і змяшчэнне ў СІЗА былога старшыні Гомельскага гарвыканкама Уладзіміра Прывалава. Указаная інфармацыя не адпавядае рэчаіснасці. У дачыненні да Уладзіміра Прывалава крымінальная справа не заводзілася, крымінальны пераслед не ажыццяўляўся», — гаворыцца ў паведамленні ведамства.
СК зазначае, што распачатая крымінальная справа паводле артыкула 188 (паклёп) Крымінальнага кодэкса.
Інфармацыю, што на Уладзіміра Прывалава завялі крымінальную справу, дало ў аўторак 16 чэрвеня аўтарытэтнае і інфармаванае гомельскае выданне «Флагшток».
«Афіцыйна пра затрыманне і крымінальную справу нічога не паведамляецца, але, з інфармацыі крыніцы выдання, экс-старшыню гарвыканкама абвінавачваюць у махінацыях з перапродажам кватэр. Папярэдне, у справе ёсць і іншыя фігуранты-чыноўнікі. Прывалаў знаходзіўся ў гомельскім СІЗА, але нядаўна мог быць адпушчаны пад падпіску аб нявыездзе», — пісаў «Флагшток».
Публікацыя называлася «Экс-старшыня Гомельскага гарвыканкама знайшоўся ў СІЗА».
Каментары
Дзе рэчавыя доказы? Дзе ўлікі? Дзе дрон?
На якой падставе ўсе дзяржаўныя прапагандысты хорам па тэлевізары сцвярджаюць, што гэта быў "украінскі дрон"?
Вы ім далі дазвол без публікацыі вынікаў следства, якое вы яшчэ не правялі, так сцвярджаць?
А калі гэта апынецца не дрон? А калі не ўкраінскі?
То за паклёп завядзеце крымінальныя справы на гаварашчыя галовы з тэлевізара?
Якія працуюць на ўцягванне Беларусі ў вайну (што патрэбна Расеі, каб увесці свае войскі і пераўтварыць тэрыторыю Беларусі ў выжжанае поле вайны)?