Сілавікі прыходзілі дадому да пісьменніка Сашы Філіпенкі ў Беларусі праз «справу ЕГУ». Пра гэта ён расказаў у эфіры «Раніцы з «Белсатам».
Паводле Сашы Філіпенкі, сілавікі часам наведваюцца да яго дадому і турбуюць блізкіх.
«Апошні раз да мяне чамусьці прыходзілі ў сувязі з тым, што я таксама навучаўся ў ЕГУ. Напэўна, яны хацелі высветліць, што менавіта я рабіў у ЕГУ, хаця я адвучыўся ў ЕГУ толькі першы курс (калі ЕГУ быў у Мінску), і пасля яго закрылі», — сказаў пісьменнік.
Сілавікі таксама ўжываюць рэпрэсіі за ягоную літаратурную дзейнасць: «Нібыта другая справа (крымінальная справа супраць Філіпенкі) праз тое, што было інтэрв'ю, і я размаўляў пра «Слана» (кніга аўтарства Філіпенкі), а паколькі «Слон» «экстрэмісцкі», то нібыта я не магу размаўляць пра свае кніжкі».
Літаратар дадае, што, акрамя ператрусаў, сілавікі выкарыстоўваюць і іншыя формы ціску: «Мне падаецца, што гэта не толькі мая персанальная гісторыя, у гэтай гісторыі апынуліся цяпер тысячы і тысячы беларусаў. У гэтым сэнсе са мною не здараецца нічога новага».
Пісьменнік кажа, што гэта непрыемна, але беларусы жывуць нібы ў сюррэалізме.
«Калі пачынаеш размаўляць з роднымі пра тое, як гэта было, як прайшоў новы ператрус, памятаю, што маці казала: «А, ну ў гэты раз добры ператрус быў», — адзначыў Філіпенка.
Цяпер чытаюць
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў43
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1717
Каментары