Беларус пра адстаўку Фёдарава: Вера ў непагрэшнага тэхнакрата невыкараняльная
«Жыве ўяўленне, што бізнэс-практыкі са сферы, якая стала паспяховай шмат у чым праз спрыяльную міжнародную кан'юнктуру і волю Божую, можна спакойна і лёгка скапіяваць і маштабаваць на дзяржаўнае ўпраўленне, абарону і палітычную сферу. ЛІчбавізаваць дзеля лічбавізацыі», — піша ў сябе ў фэйсбуку бізнэс-аналітык Максім Маханькоў.
Канфлікт ва Украіне вакол пасады міністра абароны, персанальны канфлікт Фёдарава і Сырскага, а таксама рэакцыя ўкраінскага грамадства на гэты канфлікт падсвяціла адзін цікавы феномен.
Скажу адразу, я не буду крытыкаваць ні Фёдарава, ні Сырскага, ні любога іншага ўкраінскага вайскоўца ці цывільнага, занятага ў абароне, якія разам бароняць Украіну ад русафашысцкай гадзіны — хвала і павага кожнаму з іх.
Але пра пратэсты ўсё ж сказаць варта. Абсалютна ўпэўнены ў тым, што большасць людзей выйшла на пратэсты не за Фёдарава як такога. Больш за тое, я абсалютна ўпэўнены, што большасць пратэстоўцаў у прынцыпе сабе слаба ўяўляюць, як ацэньваць эфектыўнасць працы міністра абароны падчас вайны. Без абраз, кіеўскія хіпстары з кавярняў трэцяй хвалі, айцішнікі, і інтэлектуальна-крэатыўная бурбалка.
Большасць людзей (акрамя вайскоўцаў, у якіх ёсць канкрэтныя прэтэнзіі да Сырскага) падтрымліваюць Фёдарава, бо ў постсавецкай Усходняй Еўропе дагэтуль жыве інфантыльнае ўяўленне пра міністэрскую пасаду як такую, якая мусіць быць чыста бюракратычна-тэхнакратычнай. Палітычны складнік часта проста ігнаруецца (альбо проста выносіцца за дужкі), а між іншым ён застаецца ключавым.
Жыве моцная і невыкараняльная вера ў непагрэшнага тэхнакрата (якая ў выпадку з Фёдаравым памножаная на раздзьмутае эга ўсходнееўрапейскай IT-бурбалкі, якая лічыць сябе пупам зямлі). Жыве ўяўленне, што бізнэс-практыкі са сферы, якая стала паспяховай шмат у чым праз спрыяльную міжнародную кан'юнктуру і волю Божую, можна спакойна і лёгка скапіяваць і маштабаваць на дзяржаўнае ўпраўленне, абарону і палітычную сферу. Лічбавізаваць дзеля лічбавізацыі.
Мала хто разумее, што гэта так не працуе, і што нават у краіне, якая ваюе, міністр абароны гэта палітычная пасада. І калі ты прайграеш апаратную барацьбу — ты ідзеш з пасады. І ніякая статыстыка па колькасці распрацаваных дронаў і іншых тэхнічна-бюракратычных дэталяў не можа гэта перакрэсліць.
Сіл і перамогі ўкраінскаму войску і палітычнаму кіраўніцтву.
«Засцілайце ложак». Дзяніс «Рэдзіс» Пракапенка адкаментаваў звальненне Фёдарава метафарычна
Міхаіл Фёдараў пацвердзіў, што прычына яго адстаўкі — канфлікт з галоўнакамандуючым УСУ Сырскім
Стала вядома, каго Зяленскі хоча прызначыць міністрам абароны. Але яго трэба яшчэ звольніць з войска
Зяленскі прапанаваў новую пасаду былому міністру абароны, але той адмовіўся
Намеснік камандуючага ўкраінскіх ВПС падаў у адстаўку праз звальненне міністра абароны
Зяленскі адстаўляе папулярнага маладога міністра абароны. У таго не было ўзаемаразумення з Сырскім
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі32
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары
Пры гэтым існаванне такога міфа-стэрэатыпа ў грамадстве зусім не азначае, што канкрэтны міністр "выязджаў" толькі на ім.
Каб рабіць высновы такой упэўненасці, трэба разглядзець ягоныя рэальныя дасягненні, наконт "не палітык" таксама аргументаваць, улічыць планы рэформы сістэмы закупак і г.д.