«Засцілайце ложак». Дзяніс «Рэдзіс» Пракапенка адкаментаваў звальненне Фёдарава метафарычна
Уладзімір Зяленскі ўстаў на бок галоўнакамандуючага ўкраінскай арміяй Аляксандра Сырскага ў спрэчцы таго з маладым, папулярным і амбітным міністрам абароны Міхаілам Фёдаравым. У гэтай сітуацыі ўвагу звяртаюць рэакцыі самых аўтарытэтных камандзіраў украінскай арміі.
Украінская армія, якая бароніць Еўропу ад русафашыстаў, не можа дазволіць сабе ўнутранага разладу. Канфлікт Фёдарава з Сырскім у гэтым сэнсе шмат каго ўстрывожыў.
Дзейнасць Міхаіла Фёдарава высока ацаніў Дзяніс Пракапенка — папулярны камандзір 1‑га корпуса Нацыянальнай гвардыі Украіны «Азоў». Ён стаў вядомы, калі кіраваў абаронай Марыупаля.
«За даволі кароткі тэрмін Міхаіл Фёдараў на пасадзе міністра абароны змог рэалізаваць шмат важных крокаў, якія ўзмацнілі абараназдольнасць нашай дзяржавы і аслабілі ваенныя магчымасці ворага. Я хачу падзякаваць яму за выкананую працу і паслядоўную дзяржаўніцкую пазіцыю, якой ён прытрымліваецца ва ўсім, чым займаецца», — напісаў Дзяніс Пракапенка.
Пракапенка адзначыў важнасць «наладзіць працэсы, каб навесці парадак у пытанні з мабілізацыяй і працай ТЦК — адным з крытычных для нашага войска на сённяшні дзень».
Пры гэтым Пракапенка крытычна адрэагаваў і на абвінавачванні ў «савецкасці», якія гучаць на адрас міністра ўнутраных спраў Украіны Ігара Кліменкі.
Ён дадаў: «І апошняе наконт гэтага. Раджу ўсім крытыкам «савеччыны», якія мараць дакрануцца хоць бы адной фалангай сваіх пальцаў да стандартаў НАТА, прачытаць кнігу адмірала Вайскова-марскіх сіл ЗША Вільяма Макрэйвена «Засцілайце ложак», якую калісьці ў далёкім 2017 годзе культываваў у «Азове». Так, у «Азове» таксама існуе дысцыпліна — у нас таксама засцілаюць ложкі і чысцяць зубы.
1‑ы корпус НГУ «Азоў» працягвае выконваць пастаўленыя баявыя задачы, фронт не ўпадзе».
Так метафарычна брыгадны генерал Дзяніс Пракапенка нагадаў пра тое, што ў сітуацыі змагання галоўнае, — дысцыпліна і парадак. Яго словы гучаць як заклік да захавання адзінства і адзінаначалля.
Міхаіл Фёдараў пацвердзіў, што прычына яго адстаўкі — канфлікт з галоўнакамандуючым УСУ Сырскім
Стала вядома, каго Зяленскі хоча прызначыць міністрам абароны. Але яго трэба яшчэ звольніць з войска
Зяленскі прапанаваў новую пасаду былому міністру абароны, але той адмовіўся
Зяленскі адстаўляе папулярнага маладога міністра абароны. У таго не было ўзаемаразумення з Сырскім
Намеснік камандуючага ўкраінскіх ВПС падаў у адстаўку праз звальненне міністра абароны
Цяпер чытаюць
Рэдкі выпадак: памілаваны беларускі палітвязень пайшоў на вайну супраць Украіны2
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары