«Можна набыць і ананасы, і бутэлечку IPA». Беларусы ў захапленні ад асартыменту аўталаўкі
Крамы на колах ад «Кароны» сёння курсіруюць па некалькіх раёнах Мінскай і Віцебскай абласцей, а таксама па вёсках Гродзенскага раёна. Беларусы жартуюць, што гэта «лакшэры» аўталаўкі.
«Вы калі-небудзь бачылі аўталаўку, у якую можна зайсці і набыць ананасы, вэнджаны бекон, бутэлечку IPA?» — уразілася аўталаўкай Таццяна ў Threads. «Фіга сабе лухары», — адрэагавалі жыхары іншых вёсак, куды пакуль такія аўталаўкі не дабраліся.

Днямі блогер Максім Рэўт зрабіў падрабязны агляд змесціва аўтамаркета, які сустрэў у вёсцы Грыбоўня, што ў Салігорскім раёне. У гэты дзень яна стала пятым па ліку пунктам на маршруце прадаўца.
Можна пабачыць, што ў машыне ўсталяваныя халадзільнікі і кандыцыянер. Прадаюць розныя віды мяса, хлебныя вырабы, малочныя прадукты, садавіну з гароднінай, алкаголь. Паліцы запоўненыя таксама снэкамі, крупамі, кансервамі і газаванымі напоямі.
У сезон актыўна карыстаюцца аўталаўкай і дачнікі.
У прысталічны рэгіён аўталаўкі «Кароны» ўвайшлі толькі з ліпеня. Агулам у вёскі яны прыязджаюць раз ці два на тыдзень. У залежнасці ад памеру населенага пункта, робяць там па 3‑4 прыпынкі. Кожны цягнецца каля 20 хвілін.

На сёння аўталаўкі абслугоўваюць у Беларусі каля 14 тысяч сельскіх населеных пунктаў. Асноўны гулец на гэтым рынку — «Белкаапсаюз». У будучыні чыноўнікі мараць дадаць у крамы на колах функцыю самаабслугоўвання.
-
У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет
-
У Беларусі за апошнія гады ліквідавалі 40 праваслаўных прыходаў
-
У Беларусі перастала працаваць сістэма анлайн-кантролю за рухам тавараў — ад шын да фенаў. Гэта не першы такі збой сёлета
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
Каментары
[Зрэдагавана]