Арганізатараў «Тур дэ Франс» заклікалі правяраць бюстгальтары веласіпедыстак
Жанчыны-веласіпедысткі абдурваюць саперніц, карыстаючыся законамі фізікі.
У прафесійным жаночым веласпорце разгарэўся скандал, звязаны з аэрадынамікай і адзеннем, паведамляе Wieler Flits. Некалькі каманд звярнуліся да Міжнароднага саюза веласіпедыстаў з патрабаваннем прыняць тэрміновыя меры супраць спартсменак, якія штучна павялічваюць сабе грудзі на час індывідуальных гонак.
Выкарыстоўваючы спецыяльныя падкладкі ў спартыўныя бюстгальтары, гоншчыцы павялічваюць памер грудзей, але робяць гэта не дзеля прыгажосці, а дзеля перавагі ў хуткасці.
Сутнасць хітрасці ў тым, што падкладка змяняе форму цела і кіруе струменямі паветра падчас руху. Гэта памяншае супраціўленне паветра і дазваляе эканоміць каштоўныя долі секунды.
Навуковыя даследаванні пацвярджаюць, што такі псеўдабюст здольны скараціць супраціўленне паветра да 3,6 працэнтаў, што на дыстанцыі ў 20‑30 кіламетраў дае выйгрыш у некалькі секунд, а ў прафесійным спорце менавіта яны часта вырашаюць лёс залатога медаля.
Хоць правілы строга забараняюць ужываць любыя накладкі або змяняць анатамічную форму цела падчас заездаў пад пагрозай дыскваліфікацыі і буйных штрафаў, суддзі дагэтуль амаль не правяралі спартсменак.
Каманды заклікаюць рэгулятара ўвесці абавязковы кантроль і правяраць гоншчыц адразу пасля фінішу, каб вярнуць у спорт сумленную барацьбу.
Цяпер чытаюць
Бабарыка зоймецца бізнэсам — ужо адкрыў кампанію ў Германіі9
Бабарыка зоймецца бізнэсам — ужо адкрыў кампанію ў Германіі
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу13
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары
"Комбинезон прыгуна работает как небольшой парашют/крыло: увеличение объёма и площади ткани в области паха меняет его форму в полёте, добавляя подъёмную силу. Исследование о размерах костюма указывает, что увеличение обхвата примерно на 2 см может дать около 5% больше подъёмной силы и 4% больше сопротивления; это способно заметно повлиять на дальность."