Лукашэнка заявіў, што Беларусі не хапае сістэмы кіравання савецкіх часоў
У якасці станоўчага прыкладу краіны, якая жыве з апорай на досвед кампартыі, ён назваў Кітай.
У Беларусі не хапае той сістэмы кіравання, якая была ў савецкія часы. Такую думку выказаў Аляксандр Лукашэнка падчас рабочай паездкі ў Вілейскі раён, піша БелТА.
«Не магу пахваліцца, што партыя (Камуністычная партыя) адыграла вырашальную ролю ў маім жыцці. Усяго хапала.
Але мушу сказаць — магчыма, для кагосьці з вас, асабліва для моладзі, гэта прагучыць непапулярна, — сёння краіне якраз не хапае той сістэмы кіравання, якая калісьці існавала ў Савецкім Саюзе», — заявіў Аляксандр Лукашэнка.
«Таму гэта і задача, і настальгія. Маё цвёрдае перакананне, што нам не хапае той сістэмы кіравання», — дадаў ён.
«Я адчуваю гэта найбольш. І кожны, хто перажывае за дзяржаву, таксама гэта адчувае. Гэта не сённяшнія і не ўчарашнія мае адчуванні, — сказаў Лукашэнка. — Прапрацаваўшы ўжо вельмі доўга прэзідэнтам, я як ніхто іншы адчуваю, што не хапае гэтай сістэмы дзяржаўнага кіравання. Не хапае сур’ёзнай кадравай работы. Як бы я ні спрабаваў выбудаваць вертыкаль улады і іншае (гэта было і застаецца выратаваннем для краіны), усё ж такі не хапае структуры».
У якасці станоўчага прыкладу краіны, якая, абапіраючыся на вопыт Камуністычнай партыі і захоўваючы яе спадчыну і дзяржаўную сістэму кіравання, паспяхова развіваецца, Аляксандр Лукашэнка назваў Кітай.
«Мяне часта крытыкавалі за тое, што мы вывучаем вопыт і сістэму кіравання КНР. Дык вось, яны здуру нічога не ламалі. Яны вучыліся ў нас, шмат у чым дзейнічалі падобным чынам. Не хачу сказаць, што капіравалі, але разумнае бралі для сябе.
Нічога не ламалі: ні ідэалогію, ні палітыку Маа Цзэдуна, Дэн Сяопіна і гэтак далей. Ніхто нічога не разбураў. Магчыма, у гэтым і крыецца адна з прычын поспеху КНР», — сказаў ён.
«Прапаную вам над гэтым падумаць, — звярнуўся ён да ўдзельнікаў нарады. — Ведаю, што вам гэтага не хочацца. Навошта вам гэтыя партыйныя органы, якія будуць займацца кадрамі, і партбюро, куды трэба хадзіць?.. Вы ж ужо аднаасобна кіруеце (на месцах). Але калі глядзець з дзяржаўнага пункту гледжання, сістэму давядзецца выбудоўваць і наладжваць».
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары
Наверное, одна из причин успеха КНР кроется в том, что там 2 мильярда людей.