Падчас апошняга ўдару ў ноч на 5 жніўня ўкраінскім сілам СПА не ўдалося збіць ніводнай ракеты.
Міністэрства абароны Нідэрландаў паведаміла, што краіна не можа даць Украіне дадатковыя ракеты для сістэм «Пэтрыёт» са сваіх запасаў, але гатовая разгледзець іншыя варыянты, якія дапамогуць абараніць украінскае неба. Пра гэта заявіў прадстаўнік ваеннага ведамства краіны Кеес Бакхейс у пісьмовым каментары Украінскай службе Радыё Свабода.
Паведамленне з’явілася на фоне дэфіцыту сродкаў барацьбы з расійскімі балістычнымі ракетамі, з якім сутыкнулася Украіна перад маштабнымі ўдарамі па Кіеве і іншых гарадах. Падчас апошняга ўдару ў ноч на 5 жніўня ўкраінскім сілам СПА не ўдалося збіць ніводнай ракеты.
«Мы ўжо перадавалі ракеты для сістэм Patriot, і пакуль няма магчымасці даць больш ракет з нашых наяўных запасаў. Разам з тым мы адкрытыя для разгляду любых варыянтаў, якія дапамогуць Украіне абараніць сваё неба і сваіх людзей», — гаворыцца ў паведамленні Міністэрства абароны Нідэрландаў.
Украінскія ўлады ў апошні час звяртаюцца з просьбамі аб пастаўках ракет для ЗРК Patriot як да ЗША — вытворцы гэтых ракет, так і да еўрапейскіх краін.
2 жніўня на нарадзе з ваеннымі прэзідэнт Украіны Уладзімір Зяленскі адзначыў, што сёлета Украіна атрымала толькі трэць ракет-перахопнікаў у параўнанні з такім жа перыядам 2025 года. Зяленскі выказаў упэўненасць, што ў партнёраў Украіны «ёсць ракеты», і патрэбныя толькі палітычныя рашэнні.
Аднак наяўнасць дастатковага запасу ракет, у прыватнасці ў ЗША, выклікае пытанні. На мінулым тыдні Цэнтр стратэгічных і міжнародных даследаванняў (CSIS) выказаў меркаванне, што ЗША падчас вайны супраць Ірана выкарысталі ўжо больш за палову ўсіх наяўных у арсенале ракет для Patriot і іншых падобных сістэм. Са спасылкай на свае крыніцы пра гэта паведамляў шэраг СМІ, у тым ліку CNN.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары