Свет

Курдскія фармаванні ў Сірыі абвясцілі пра самароспуск і далучэнне да сірыйскага войска

Лідар Сірыйскіх дэмакратычных сіл (СДС) Мазлум Абдзі 26 жніўня заявіў пра афіцыйны роспуск арганізацыі. Паводле яго слоў, СДС завяршылі працэс інтэграцыі ў склад сірыйскага войска і больш не будуць дзейнічаць як самастойная ўзброеная сіла, піша Euronews.

Мазлум Абдзі. Фота: AP

Сірыйскія дэмакратычныя сілы, якія ўзначальваюць курды, пасля ўрадавай аперацыі ў студзені страцілі значную частку тэрыторый, якія кантралявалі на паўночным усходзе Сірыі. Пасля гэтага бакі дамовіліся пра ўключэнне курдскіх вайсковых і цывільных структур у дзяржаўную сістэму краіны.

Падчас барацьбы з «Ісламскай дзяржавай» СДС былі галоўным партнёрам ЗША ў Сірыі. Аднак пасля зрынання Башара Асада ў снежні 2024 года Вашынгтон пачаў наладжваць больш цесныя адносіны з новым кіраўніцтвам у Дамаску на чале з часовым прэзідэнтам Ахмедам аш-Шараа.

Яшчэ тыдзень таму Абдзі паведамляў, што вайсковыя, сілавыя і адміністрацыйная структуры СДС ужо цалкам інтэграваныя ў дзяржаўныя інстытуты. Паводле яго слоў, цяпер арганізацыя пераходзіць да новага этапу, а яе палітычная дзейнасць будзе скіраваная на замацаванне правоў курдаў у Канстытуцыі Сірыі.

Пагадненне аб інтэграцыі было дасягнута пасля некалькіх месяцаў перамоў. ЗША назвалі яго гістарычным.

У студзені 2026 года Ахмед аш-Шараа падпісаў указ, які гарантуе нацыянальныя правы курдаў і прызнае курдскую мову адной з нацыянальных. Курдскае свята Наўруз таксама атрымала статус афіцыйнага выхаднога дня. Акрамя таго, указ прадугледзеў наданне грамадзянства курдам, якія доўгі час не мелі паўнавартаснага прававога статусу.

Пасля баёў у Алепа ў снежні 2025 года СДС пагадзіліся адвесці свае падраздзяленні на тэрыторыі на захад ад ракі Еўфрат. Сірыйскае міністэрства абароны заявіла, што на вызваленыя тэрыторыі будуць уведзеныя ўрадавыя войскі.

Пры гэтым застаюцца складанымі адносіны паміж курдскімі фармаваннямі і Турцыяй. Анкара лічыць заснаваныя СДС Народныя атрады самаабароны (НАС) сірыйскім крылом Рабочай партыі Курдыстана (РПК). Турэцкія ўзброеныя сілы раней праводзілі супраць НАС і СДС некалькі ваенных аперацый. РПК прызнана тэрарыстычнай арганізацыяй Турцыяй, ЕС, ЗША, Вялікабрытаніяй і Францыяй.

Лідар РПК Абдула Аджалан, які цяпер адбывае пажыццёвае зняволенне ў турэцкай турме, таксама лічыў, што дамоўленасці паміж СДС і Дамаскам могуць паскорыць працэс нармалізацыі сітуацыі ў Турцыі. У сваім звароце ў канцы 2025 года ён заявіў, што пагадненне стварае аснову для дэмакратычнай інтэграцыі і дыялогу, а канструктыўная роля Турцыі можа мець важнае значэнне для міру ў рэгіёне.

Каментары

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны19

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Зборная Беларусі прайграла заключны важны матч у Лізе нацый5

«Спадзяюся, ты памрэш і пазбавіш нас ад пакут». Пасля адстаўкі кіраўніка Nvidia падначаленыя расказалі пра ягоныя істэрыкі11

У Чэхіі адбылася найбуйнейшая з 1989 года акцыя пратэсту10

Штодзённая кава стымулюе кішэчнік і зніжае рызыку Паркінсона. Каб даказаць гэта, правялі незвычайны эксперымент5

Эстонія закрывае мяжу з Расіяй з 1 снежня. Прычынай стала спроба ГРУ падпаліць абаронны завод 20

Пяць краін ЕС адкрываюць у Руандзе лагер для дэпартаваных мігрантаў. Раней Брытанія страціла на падобнай схеме амаль мільярд даляраў6

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал27

У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет1

У Беларусі за апошнія гады ліквідавалі 40 праваслаўных прыходаў5

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны19

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць