Пры тым, што пік яшчэ не пройдзены.
Курыца стала самым спажываным мясам на планеце, піша Financial Times. У 2023 годзе ў свеце было вырашчана 76,2 млрд курэй супраць 48,3 млрд у 2006-м.
Рухавіком росту стаў Азіяцка-Ціхаакіянскі рэгіён, за ім — Амерыка і Еўропа. Пры гэтым дзве краіны — Кітай і ЗША — забяспечваюць траціну сусветнага попыту.
Мяса, якое на працягу большай часткі XX стагоддзя было дарагім выбарам для меншасці, у XXI стагоддзі стала любімай крыніцай бялку — і папулярнасць курыцы працягвае расці, гаворыцца ў артыкуле. Эксперты лічаць, што «пік курыцы» яшчэ не пройдзены.
Поспех птушкі тлумачыцца яе коштам, эфектыўнасцю кармлення, хуткасцю вытворчасці і адсутнасцю культурных або рэлігійных абмежаванняў, у адрозненне ад свініны ці ялавічыны.
Курыца лёгка адаптуецца да любой кухні, рэлігіі і цэнавага сегмента. McDonald's, які будаваў свой бізнес на бургерах з ялавічыны, у апошняй справаздачы заявіў, што сусветны рынак курыцы ўдвая большы за рынак ялавічыны і расце хутчэй.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары