Джон Коўл заявіў, што спадзяецца дамагчыся вызвалення палітвязняў у сярэдзіне верасня
«Думаю, што мне гэта ўдасца».
Спецпасланнік ЗША па Беларусі Джон Коўл у інтэрв'ю «Голасу Амерыкі» сказаў, што прыляціць у Беларусь у верасні.
«Праз пару тыдняў я зноў збіраюся паехаць у Беларусь і спадзяюся дамагчыся вызвалення яшчэ большай колькасці палітвязняў. Думаю, што мне гэта ўдасца», — сказаў ён.
Па падліках самога Коўла, пры яго ўдзеле было вызвалена каля 700‑800 беларускіх палітвязняў.
«Мы дабіліся вызвалення пяцісот, затым яшчэ каля двухсот былі вызвалены. Так што рэальная лічба складае прыкладна 700‑800 чалавек. Спадзяюся неўзабаве давесці яе да тысячы», — сказаў ён.
Ён называе дасягненнем тое, што амаль усе самыя вядомыя вязні былі вызваленыя. А таксама, што ўдалося дамовіцца, каб некаторыя вызваленыя палітвязні змаглі застацца ў Беларусі і вярнуцца дадому.
«Для мяне гэта было вельмi важна. Людзі вярнуліся дадому, да сваіх сем'яў. Гэта рэальны вынік, і гэтае пытанне па-ранейшаму застаецца часткай нашых перамоваў», — дадае ён.
Коўл кажа, што справаздачыцца перш за ўсё перад прэзідэнтам Злучаных Штатаў і перад дзяржсакратаром.
Ён таксама распавёў, што падтрымлівае зносіны з некаторымі з вызваленых палітвязняў. А таксама камунікуе з лідарамі апазіцыі, са Святланай [Ціханоўскай], і з многімі іншымі.
«Я таксама падтрымліваю кантакты з літоўцамі, палякамі, спрабую наладзіць адносіны паміж усімі, хто можа зрабіць унёсак у ўрэгуляванне сітуацыі», — сказаў ён.
Раней Коўл заявіў, што найбліжэйшым часам чакае вызвалення вялікай групы палітвязняў.
Паводле публічных даных, у выніку візітаў амерыканскай дэлегацыі ў папярэднія разы былі вызваленыя 438 чалавек: 21 чэрвеня 2025 года — 14 палітвязняў, 11 верасня — 51 чалавек, 13 снежня — 123 чалавекі, 19 сакавіка 2026 года — 250 чалавек.
Зараз, паводле правабаронцаў, у Беларусі 878 палітвязняў.
Цяпер чытаюць
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў54
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1818
Каментары
так и будет ездить?
а когда санкций в кармане не останется, что он предложит за новых пару тысяч?
а что дальше с ними происходит без доков в чужой стране - это их уже не заботит?