Džon Koŭł zajaviŭ, što spadziajecca damahčysia vyzvaleńnia palitviaźniaŭ u siaredzinie vieraśnia
«Dumaju, što mnie heta ŭdasca».
Śpiecpasłańnik ZŠA pa Biełarusi Džon Koŭł u intervju «Hołasu Amieryki» skazaŭ, što prylacić u Biełaruś u vieraśni.
«Praz paru tydniaŭ ja znoŭ źbirajusia pajechać u Biełaruś i spadziajusia damahčysia vyzvaleńnia jašče bolšaj kolkaści palitviaźniaŭ. Dumaju, što mnie heta ŭdasca», — skazaŭ jon.
Pa padlikach samoha Koŭła, pry jaho ŭdziele było vyzvalena kala 700‑800 biełaruskich palitviaźniaŭ.
«My dabilisia vyzvaleńnia piacisot, zatym jašče kala dvuchsot byli vyzvaleny. Tak što realnaja ličba składaje prykładna 700‑800 čałaviek. Spadziajusia nieŭzabavie davieści jaje da tysiačy», — skazaŭ jon.
Jon nazyvaje dasiahnieńniem toje, što amal usie samyja viadomyja viaźni byli vyzvalenyja. A taksama, što ŭdałosia damovicca, kab niekatoryja vyzvalenyja palitviaźni zmahli zastacca ŭ Biełarusi i viarnucca dadomu.
«Dla mianie heta było vielmi važna. Ludzi viarnulisia dadomu, da svaich siemjaŭ. Heta realny vynik, i hetaje pytańnie pa-raniejšamu zastajecca častkaj našych pieramovaŭ», — dadaje jon.
Koŭł kaža, što spravazdačycca pierš za ŭsio pierad prezidentam Złučanych Štataŭ i pierad dziaržsakratarom.
Jon taksama raspavioŭ, što padtrymlivaje znosiny ź niekatorymi z vyzvalenych palitviaźniaŭ. A taksama kamunikuje ź lidarami apazicyi, sa Śviatłanaj [Cichanoŭskaj], i z mnohimi inšymi.
«Ja taksama padtrymlivaju kantakty ź litoŭcami, palakami, sprabuju naładzić adnosiny pamiž usimi, chto moža zrabić uniosak u ŭrehulavańnie situacyi», — skazaŭ jon.
Raniej Koŭł zajaviŭ, što najbližejšym časam čakaje vyzvaleńnia vialikaj hrupy palitviaźniaŭ.
Pavodle publičnych danych, u vyniku vizitaŭ amierykanskaj delehacyi ŭ papiarednija razy byli vyzvalenyja 438 čałaviek: 21 červienia 2025 hoda — 14 palitviaźniaŭ, 11 vieraśnia — 51 čałaviek, 13 śniežnia — 123 čałavieki, 19 sakavika 2026 hoda — 250 čałaviek.
Zaraz, pavodle pravabaroncaŭ, u Biełarusi 878 palitviaźniaŭ.
-
Minčuk źniaŭ rolik pra čarhu ŭ paliklinicy, dzie było bolš za 150 čałaviek. Za heta na mužčynu napisali zajavu ŭ milicyju
-
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam
-
Kavieryn vybačyŭsia za prapanovu eratyčnaj fotasiesii dla Cichanoŭskaj
Ciapier čytajuć
Minčuk źniaŭ rolik pra čarhu ŭ paliklinicy, dzie było bolš za 150 čałaviek. Za heta na jaho napisali zajavu ŭ milicyju9
Kamientary
tak i budiet jezdiť?
a kohda sankcij v karmanie nie ostanietsia, čto on priedłožit za novych paru tysiač?
a čto dalšie s nimi proischodit biez dokov v čužoj stranie - eto ich užie nie zabotit?