Уночы 31 жніўня расійскі рэактыўны беспілотнік выкарыстаў паветраную прастору Беларусі для атакі па Украіне. А 02:30 украінскі маніторынгавы канал паведаміў, што дрон рухаецца курсам на Церуху Гомельскага раёна, заляцеўшы з тэрыторыі Украіны, піша «Флагшток».
Гэты ж дрон праз некалькі хвілін ужо накіроўваўся на Рэчыцу, затым — на Васілевічы. А 02:44 — у бок Нароўлі.
А 02:53 беспілотнік ужо манеўраваў у раёне Нароўлі, праз што ў Жытомірскай вобласці абвяшчалі паветраную трывогу.
Але, мяркуючы з усяго, гэты БПЛА накіраваўся ў іншы бок: каля 3 гадзін ночы ён вылятаў з Беларусі ва Украіну курсам на зону адчужэння ў Кіеўскай вобласці.
Папярэдні залёт на Гомельшчыну расійскага рэактыўнага дрона фіксаваўся раніцай 29 жніўня. А да гэтага, уночы 22 жніўня, над рэгіёнам кружыла «Бандэроль», так і не вылецеўшы ва Украіну.
14 жніўня ўначы фіксаваўся залёт, а днём — вылет расійскага БПЛА з тэрыторыі Чарнобыльскай зоны Беларусі на Кіеўшчыну.
Больш на працягу месяца паведамленняў на маніторынгавых каналах пра парушэнне паветранай прасторы Беларусі не было. Але пралёты дронаў назіралі жыхары Гомельшчыны.
20 жніўня ў Цэнтральным раёне Гомеля каля 05:25 чулі нетыповыя вельмі гучныя гукі ў небе. Зыходзячы з апісанняў відавочцаў, можна выказаць здагадку, што фіксаваўся гук пралёту дрона і выбух, альбо пралёт знішчальніка.
Увечары 25 жніўня жыхары Жлобіна чулі гучны характарны гук і выказалі здагадку, што над горадам пралятаў рэактыўны дрон. У той жа вечар назіралі знішчальнік, які ляцеў нізка — над цэхамі Беларускага металургічнага завода і ў цэнтры горада.
Такім чынам, як мінімум 7 расійскіх БпЛА заляталі ў Гомельскую вобласць на працягу жніўня.
Рэальная колькасць пралётаў над тэрыторыяй Гомельскай вобласці можа быць значна вышэйшай. Пры пераходзе да рэактыўных рухавікоў БПЛА, верагодна, адбылося змяншэнне колькасці фіксацый пралётаў. Такія дроны праз большую хуткасць знаходзяцца ў палёце меншы час, яны пазбаўлены характарнага гуку «як у мапеда».
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў32
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары