Ахвярай замаху ў Саратаўскай вобласці стаў генерал-маёр Мікалай Варпаховіч — камандзір 22‑й гвардзейскай цяжкай бамбардзіровачнай авіяцыйнай дывізіі Расіі. Украіна падазрае яго ў арганізацыі ракетных удараў па цывільных аб’ектах. Генерал знаходзіцца ў крытычным стане, сцвярджае тэлеграм-канал «Досье шпиона».
Напад адбыўся 3 верасня каля 7:00 у пасёлку Прабуджэнне, які мяжуе з Энгельсам.
Паводле тэлеграм-канала, невядомы падпільнаваў Варпаховіча каля яго прыватнага дома і двойчы стрэліў з пісталета — у твар і жывот.
Нападнік, які перасоўваўся на матацыкле і хаваў твар пад шлемам, уцёк. Затрымаць яго не ўдалося.
Раней пра напад паведамілі пракрамлёўскія каналы Mash, SHOT і Baza, але імя параненага не называлі. Яны пісалі, што афіцэра Паветрана-касмічных сіл Расіі даставілі ў бальніцу ў цяжкім стане. Паводле Baza, падчас стральбы быў паранены таксама яго кіроўца.
22‑я авіяцыйная дывізія, якой, паводле адкрытых звестак, камандуе Варпаховіч, базуецца ў Энгельсе. У яе склад уваходзіць 121‑ы цяжкі бамбардзіровачны авіяцыйны полк, узброены стратэгічнымі бамбардзіроўшчыкамі Ту-95МС — носьбітамі крылатых ракет Х-101.
Украінскае следства лічыць, што Варпаховіч аддаў загад нанесці 1 сакавіка 2022 года ракетны ўдар па кіеўскай тэлевежы. Тады загінулі пяць мірных жыхароў, у тым ліку 12‑гадовая дзяўчынка, яшчэ шэсць чалавек былі параненыя. У лютым 2026 года генералу завочна абвясцілі падазрэнне ў парушэнні законаў і звычаяў вайны, спалучаным з наўмысным забойствам.
Расійскія ўлады пакуль афіцыйна не пацвярджалі ні асобы параненага, ні абставін замаху.
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў32
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары
[Зрэдагавана]