Пінскі суднабудаўнічы завод упершыню за доўгі час пабудаваў новае судна ВІДЭА
Пінскі суднабудаўніча-суднарамонтны завод спрабуе аднавіць вытворчасць суднаў. Новы трымаран «Верас» цяпер праходзіць водныя выпрабаванні.
Судна разлічана на 12 пасажыраў і капітана. Яно можа развіваць хуткасць да 7,5 вузла, мае водазмяшчэнне каля 3,2 тоны і аснашчана маторам магутнасцю 40 конскіх сіл.
Пакуль на трымаране ўсталявалі толькі самае неабходнае: сядзенні, рулявую калонку, дыстанцыйнае кіраванне маторам і скрыні для выратавальных камізэлек. Пасля прыёмкі спецыяльнай камісіяй там могуць з’явіцца стэрэасістэма, халадзільнік, ахова ад сонца і дажджу, стол для пасажыраў і карабельны звон.
Як патлумачылі на заводзе, трымаран адносіцца да суднаў унутранага воднага транспарту, таму яго можна выкарыстоўваць для камерцыйных пасажырскіх перавозак.
Завод ужо атрымаў запыт ад аднаго з санаторыяў. Калі патэнцыйны заказчык вырашыць набыць судна, першы трымаран прададуць.
«Цяпер не так шмат магчымасцяў прагуляцца па рацэ Піне. Думаю, гэта даволі неблагі спосаб правесці час, асабліва ў выхадныя і разам з сям’ёй», — адзначыў інжынер-канструктар прадпрыемства Дзмітрый Пратасевіч.
Трымаран назвалі «Верас» у гонар супрацоўніцы прадпрыемства Веры Серафімаўны, якая ўдзельнічала ў стварэнні праекта ад самага пачатку. Завадскія выпрабаванні судна прайшлі паспяхова.
Цяпер чытаюць
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна16
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5555
Каментары
Адно сумнеўна, рухавік 40 к.с., гэта ж, як "Запарожац"... На вадзе, ды пры неспрыяльных умовах надвор'я (вецер, паскарэньне плыні) можа й не хапіць для манэўру, або ўскладніць яго.