Дзень горада Мінска сёлета прыпадае на суботу, 12 верасня. Асноўныя святочныя мерапрыемствы разгорнуцца ў цэнтры сталіцы, а таксама ў розных раёнах, піша Mlyn.by.
— З 10:30 да 23:00 — фестываль гістарычнай рэканструкцыі «Мінск старажытны»;
— з 11:30 да 23:00 — канцэрт «Мінск маёй душы» каля Палаца спорту;
— з 17:00 да 18:30 — уручэнне звання «Мінчанін года» на плошчы Свабоды;
— у 23:00 — святочны феерверк у скверы «Старасцінская Слабада» (за Палацам спорту і Свіслаччу).
Што і ў які час запланавана
- 8:30—18:30 — Парк Перамогі: міжнародныя спаборніцтвы «Наймацнейшы пажарны-выратавальнік»;
- 10:00—17:00 — Цэнтральны дзіцячы парк імя Горкага: рэспубліканскі «Фестываль прафесій»;
- 10:00—23:00 — каля Палаца спорту: святочны кірмаш з ежай і таварамі;
- 10:30—23:00 — зялёная зона на скрыжаванні праспектаў Пераможцаў і Машэрава: фестываль рэканструкцыі «Мінск старажытны»;
- 11:30—23:00 — каля Палаца спорту: канцэрт «Мінск маёй душы»;
- 13:00—18:00 — парк імя 50‑годдзя Кастрычніка: фестываль моладзевых субкультур «Код культур»;
- 17:00—18:30 — плошча Свабоды: уручэнне звання «Мінчанін года» і канцэрт;
- 23:00 — сквер Старасцінская Слабада: піратэхнічнае шоу.
Галоўная зорка праграмы — Akmal’ на сцэне каля Палаца спорту. Асноўны канцэрт «Мінск маёй душы» пройдзе з 11:30 да 23:00.
Акрамя хэдлайнера, заяўленыя Swanky Tunes, Iodo Band, DJ Holdi, трыб’ют «NE Руки Вверх» і іншыя артысты.
Іншыя канцэртныя пляцоўкі па раёнах
- Ленінскі раён — свята «З днём нараджэння, любімы горад!» у Лошыцкім сядзібна-паркавым комплексе;
- Цэнтральны раён — праграма «Табе, мой горад, прысвячаем» у Парку Перамогі;
- Фрунзенскі раён — свята «Мая сталіца — мая будучыня!» і моладзевы рэйв «Фрунзе-Фэст»;
- Заводскі раён — канцэрт «Гораду майму прысвячаецца!» каля «Чыжоўка-Арэны».
-
У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет
-
У Беларусі за апошнія гады ліквідавалі 40 праваслаўных прыходаў
-
У Беларусі перастала працаваць сістэма анлайн-кантролю за рухам тавараў — ад шын да фенаў. Гэта не першы такі збой сёлета
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал16
Каментары