Грамадства1414

Варшава аслабляе дыпламатычны ігнор Мінска. Упершыню пасля 2020‑га сустрэліся міністры замежных спраў Беларусі і Польшчы 

Кіраўнікі замежнапалітычных ведамстваў Беларусі і Польшчы 22 верасня правялі сустрэчу на палях Генасамблеі ААН у Нью-Ёрку. Пра гэта БелТА паведамілі ў прэс-службе МЗС Беларусі.

Міністры замежных спраў Беларусі і Польшчы Максім Рыжанкоў (злева) і Радаслаў Сікорскі. Фота распаўсюджанае МЗС Беларусі

«Сустрэча з міністрам замежных спраў Польшчы Радаславам Сікорскім была прысвечаная ацэнцы стану беларуска-польскіх адносін і шляхоў іх далейшага развіцця ў інтарэсах народаў дзвюх краін. Бакі таксама абмеркавалі сітуацыю ў рэгіёне», — расказалі ў прэс-службе МЗС Беларусі.

Адной з умоваў нармалізацыі адносін з Мінскам Варшава называла вызваленне палітвязня Андрэя Пачобута. Гэта здарылася ў красавіку 2026-га, пасля пяці гадоў зняволення. Нягледзячы на яго выдварэнне з Беларусі пры вызваленні, ён змог заехаць у Беларусь у верасні. Яго пры гэтым не арыштавалі. Варта адзначыць, што Пачобут устрымліваўся ад палітычных заяў і прамых кантактаў з беларускай апазіцыяй і незалежнымі СМІ.

— ААН — гэта нейтральная тэрыторыя, — цытуе Радаслава Сікорскага польскі партал Onet.pl.

У сувязі з гэтым, сказаў ён, тут можна сустракацца і з прадстаўнікамі тых краін, з якімі не абавязкова наладжаныя адносіны ў іншых кантэкстах.

На пытанне пра ход сустрэчы і тое, якія тэмы абмяркоўваліся, Сікорскі сказаў, што сярод іх была сітуацыя на мяжы, а таксама сітуацыя з рэгіянальнай бяспекай.

На пытанне, ці прасіў ён, каб Беларусь не дазваляла Расіі пралятаць беспілотнікам і ракетам праз сваю тэрыторыю, ён адказаў: «У тым ліку».

— Гэта першая, азнаямленчая сустрэча, але адбываюцца таксама сустрэчы іншых ведамстваў, на іншых узроўнях. Неўзабаве мы адкрываем новы будынак пасольства ў Мінску. Калі сусед хоча размарозіць і палепшыць адносіны, то Польшча заўсёды першай гатовая да згоды, — сказаў кіраўнік МЗС Польшчы.

На ўдакладняльнае пытанне, ці азначае гэта, што польскі ўрад прызнае рэжым Лукашэнкі, Сікорскі адказаў: «Як дзяржава, мы прызнаём іншыя дзяржавы, а не ўрады».

На пытанне, ці азначае гэта нармалізацыю адносін з Беларуссю, ён сказаў, што «гэта як пралеска, якая можа расцвісці, калі надвор’е будзе спрыяльным».

Каментары14

  • ***
    23.09.2026
    Понятно, надо прощюпать вымя коровы Лукавого.))) И если брожения в рядах колхозной вертикали нет, ждать дальше.
  • трэба з ЗША ДАМАГАЦЦА Аўстрыйскай дамовы (1955)
    23.09.2026
    ЦУДОЎНАЯ навіна, дадам трэба з ЗША ДАМАГАЦЦА Аўстрыйскай дамовы (1955) дзеля РБ !
  • хех
    23.09.2026
    Поговорили про убитого польского солдата на границе?

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

Латушка заклікаў адхіліць Арыну Сабаленка ад усіх турніраў пад эгідай WTA39

Дырэктар сеткі салонаў «На сувязі» застрэліў на паляванні мядзведзя21

Джоні Дэп вяртаецца ў Галівуд пасля байкоту5

На Кіпры п’яны расіянін прычапіўся да п’янай украінкі. Яе спадарожнікі збілі яго на горкі яблык — можа страціць вока35

«Не можаш ваяваць — дапамагай. Не можаш дапамагаць — не трындзі»: маладая беларуска далучылася да УСУ ў 2026‑м і ваюе дроншчыцай26

Памёр адзін з акцёраў-блізнюкоў з папулярнага фільма «Нянькі»1

Самыя папулярныя браўзеры, сацсеткі і ШІ-пошукавікі ў Беларусі11

Выйшла кніга пра Зянона Пазняка. Яе рыхтавалі больш за 10 гадоў17

Былы расійскі губернатар Гладкоў адмовіўся ад канала з 400 тысячамі падпісчыкаў. У Крамлі былі незадаволеныя яго актыўнасцю

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць