Грамадства1313

Беларусь не апавяшчае грамадзян аб пралётах дронаў, але перадае інфармацыю пра гэта суседнім краінам. Тыя апавяшчаюць яшчэ на падлёце

10 лістапада Літва папярэдзіла грамадзян пра «магчымую паветраную небяспеку» пасля атрымання інфармацыі ад Мінска. У Беларусі насельніцтву нічога не паведамлялася, а СМІ не даюць ніякай інфармацыі аб пралёце дронаў.

Украінскі ўдарны беспілотнік. Скрыншот з відэа

Міністр аховы краю Літвы Робертас Каўнас паведаміў, што Беларусь у аўторак увечары папярэдзіла Літву пра рух дронаў над беларускай тэрыторыяй у кірунку Літвы.

«У 22:47 па тэхнічнай лініі з беларускага боку надышла інфармацыя пра тое, што ў бок Літвы ляцяць нераспазнаныя аб'екты, якія Беларусь спрабуе нейтралізаваць», — сказаў Робертас Каўнас тэлебачанню LRT у сераду.

Праз 10 хвілін пасля атрымання гэтай інфармацыі ўсе жыхары Вільні, Віленскай і Уцянскай акруг атрымалі апавяшчэнні пра «магчымую паветраную небяспеку (жоўты ўзровень)».

Сама трывога ў выніку не абвяшчалася, аб'екты ў выніку не заляцелі ў паветраную прастору Літвы, яны павярнулі ў бок Латвіі і Расіі. Гаворка, імаверна, ішла пра ўкраінскія беспілотнікі, збітыя з курсу ўздзеяннем расійскіх сродкаў радыёэлектроннай барацьбы.

У Беларусі насельніцтва аб пралёце дронаў ніяк не апавяшчалася ні ўчора, ні падчас іншых аналагічных інцыдэнтаў.

У Польшчы, Літве і Латвіі ўжо не раз абвяшчалася паветраная трывога падчас залётаў беспілотнікаў. Сур'ёзных наступстваў гэтыя залёты пакуль ні разу не мелі: дроны пераважна падалі ў маланаселенай мясцовасці або іх збівалі над палямі і лясамі натаўскія знішчальнікі. 

У ноч на 11 лістапада пазней ужо іншы дрон заляцеў на тэрыторыю Літвы, прабыў у ёй некалькі хвілін, затым заляцеў у Польшчу, пасля чаго вярнуўся ў Літву і без наступстваў скіраваўся ў Латвію. 

Рэжым Аляксандра Лукашэнкі трымаецца іншай лініі, чым улады Літвы, Польшчы і Латвіі ў пытанні інфармавання насельніцтва пра патэнцыйныя пагрозы. Выглядае, што Мінск імкнецца, каб насельніцтва не пераймалася. Гэта нагадвае падыход уладаў Беларусі да кавіду на піку эпідэміі ў 2020—2021 гадах. 

Пасля пачатку пандэміі каранавіруса ў Беларусі засакрэцілі звесткі пра смяротнасць, але з даных, якія здабылі «Кіберпартызаны», стала вядома, што за час пандэміі з 2020 па 2022 год залішняя смяротнасць склала звыш 90 тысяч чалавек. Гэтыя страты не маглі адбыцца ні праз што іншае, як праз COVID-19. Смяротнасць пачала ўздымацца ў сакавіку 2020 года, калі ўлады Беларусі яшчэ цалкам адмаўлялі наяўнасць пагрозы. Смяротнасць у Беларусі значна перавысіла паказчыкі ўсіх іншых краін Еўропы, гаворка ідзе пра дзясяткі тысяч загубленых жыццяў.

Хоць за распаўсюд інфармацыі жыхароў Беларусі караюць, у незалежныя СМІ прыходзіла інфармацыя пра падзенне беспілотнікаў на захадзе Мінска, а таксама, не раз, у Гомельскай вобласці. Таксама, імаверна, дронавыя ўдары былі прыцэльна нанесеныя па вышках сувязі на поўдні Беларусі.

Каментары13

  • Как этого—кого?
    11.11.2026
    Коля, они всей сворой,за полученные квартирки защищают непомерно и неприлично раскормленную с***у колхозника,уже задавившего ею всю Беларусь. Это их единственная функция.
  • Не апавяшчае
    11.11.2026
    и правильно делает. Смысла в этом театре безопасности литовском с вопящими в истерике телефонами посреди ночи - меньше нуля.
  • Хитрый таракан
    11.11.2026
    Это называется многовекторная политика, вы ничего не понимаете в геостратегии.

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны21

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Зяленскі заявіў, што Украіна спыніла больш за палову расійскай нафтаперапрацоўкі7

Літва заклікала прызнаць ГРУ тэрарыстычнай арганізацыяй9

Зборная Беларусі па футболе прайграла Албаніі ў вырашальным матчы Лігі нацый14

Легендарны тэлескоп «Хабл» падае на Зямлю. НАСА тэрмінова шукае тых, хто яго выратуе або затопіць15

«Дайце круглую суму і год — будзе вам любы шэдэўр Мікеланджэла!» Улады запатрабавалі перарабіць «Быхаўскую мадонну». Аўтар падточвае яе балгаркай30

Зборная Беларусі прайграла заключны важны матч у Лізе нацый5

«Спадзяюся, ты памрэш і пазбавіш нас ад пакут». Пасля адстаўкі кіраўніка Nvidia падначаленыя расказалі пра ягоныя істэрыкі13

У Чэхіі адбылася найбуйнейшая з 1989 года акцыя пратэсту10

Штодзённая кава стымулюе кішэчнік і зніжае рызыку Паркінсона. Каб даказаць гэта, правялі незвычайны эксперымент5

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны21

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць