У Мінску малады мужчына атрымаў сур’ёзныя апёкі ў выніку ўспышкі ацэтону, які ён разаграваў на газавай пліце ў сваёй кватэры.Пра гэта карэспандэнту БЕЛТА паведаміў памочнік начальніка Мінскага гарадскога ўпраўлення МНС Віталь Дэмбоўскі.
Са словаў пацярпелага, ён разаграваў ацэтон у рондлі на газавай пліце, у нейкі момант пары ацэтону ўспыхнулі, абпалілі яму твар, шыю, плечы. З тэрмічным апёкам галавы, абедзвюх кісцяў рук, пляча 1–3 ступені цяжару і з дыягназам «дымавая таксічная інгаляцыя» мужчына дастаўлены ў Гарадскую бальніцу хуткай медыцынскай дапамогі.
Як сцвярджаюць дактары, ён пакутуе на наркатычную залежнасць і, хутчэй за ўсё, гатаваў з ацэтону чарговую порцыю «зелля».
Цяпер чытаюць
Легендарная журналістка Любоў Лунёва расказала пра Віктара Лукашэнку і аднакурснікаў, стварэнне «Вясны» і палітычны бамонд17
Каментары