Арганізатары вулічных пратэстаў выставілі лукашэнкаўцам дзеcяць патрабаванняў
21 верасня аднаўляюцца акцыі маўклівага пратэсту. Колькі збярэ сённяшняя?
У адрозненне ад летніх выступаў, якія былі больш стыхійнымі, 20 верасня арганізатары акцыі выставілі 10 патрабаванняў да ўладаў.
Яны пачынаюцца з эканамічных вымог, а сканчаюцца палітычнымі і культурнымі. Агульным
лозунгам акцыі 21 верасня стане: «Хопіць цярпець! — рост цэнаў, дэвальвацыю, бязмежжа міліцыі, дзяржаўную прапаганду і абяцанні ўлады!».
«Вуліца» патрабуе ад лукашэнкаўцаў гарантыі недатыкальнасьці банкаўскіх укладаў і індэксацыі заробкаў і пенсій. Яны выказваюцца за рынкавае фармаванне курса рубля, «а не стуканнем кулаком па стале».
Калі браць палітычны бок, пратэстоўцы найперш патрабуюць шырокай і адкрытай грамадскай дыскусіі пра эканамічную і палітычную сітуацыю ў краіне — дэбатаў у дзяржаўных СМІ з удзелам прадстаўнікоў улады, апазіцыі, экспертаў і эканамістаў. Акрамя таго, яны называюць неадкладнае вызваленне і рэабілітацыю ўсіх палітвязняў, спыненне рэпрэсій і рэальныя дзеянні па выратаванні беларускай мовы.
З сацыяльных патрабаванняў вылучаны ўвядзенне льготнага альбо бясплатнага праезду на грамадскім транспарце для навучэнцаў і студэнтаў усёй краіны, а таксама свабодны продаж валюты без дакументаў і рэгістрацыі здзелкі.
У Мінску ўдзельнікі акцый хочуць сабрацца на праспекце Незалежнасці на адрэзку ад гатэля «Мінск» да Кастрычніцкай плошчы на правым баку праспекту (бок ГУМа, «Макдональдса»).У рэгіянальных гарадах пратэстоўцы рыхтуюцца сабрацца на цэнтральных вуліцах гарадоў. У Гродне на Савецкай, у Брэсце — на праспекце Машэрава, у Магілёве — на Леніна, у Віцебску — на вуліцы Леніна, у Гомелі на Савецкай.
Перад акцыяй у інтэрнэце з’явіўсяпрома-ролік на песню «Ляпісаў» «Не быць скотам».
Цяпер чытаюць
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Каментары