«Рашэнне прынятае ў сувязі з вялікай колькасцю ахвяр пры выбуху ў мінскім метро».
Лукашэнка пастанавіў не прымяняць памілавання да асуджаных на смяротную кару за тэрарызм Дзмітрыя Канавалава і Уладзіслава Кавалёва. Паведамленне аб гэтым прагучала ў вячэрнім выпуску праграмы «Панарама» на тэлеканале «Беларусь 1».
Такое рашэнне Аляксандра Лукашэнкі абумоўлена «выключнай небяспекай і цяжкасцю наступстваў для грамадства ад учыненых злачынстваў».
***
Ураджэнцы Віцебска
30 лістапада 2011 Вярхоўны суд прысудзіў абодвух фігурантаў да вышэйшай меры пакарання — смяротнай кары.Ён прызнаў Канавалава вінаватым у злосным і асабліва злосным хуліганстве, наўмысным знішчэнні маёмасці, незаконным набыцці, захоўванні, перавозцы выбуховых рэчываў і выбуховых прылад, тэрарызме, звязаным з забойствам людзей. Кавалёва — у злосным і асабліва злосным хуліганстве, наўмысным знішчэнні маёмасці, незаконным набыцці, захоўванні, перавозцы выбуховых рэчываў і выбуховых прылад, неданясенні аб падрыхтоўцы асабліва цяжкім злачынстве, аб здзяйсненні асабліва цяжкага злачынства і асобы, што яго здзейсніла, аб месцы яго знаходжання, а таксама у дапамаганні тэрарызму.
У выніку тэракту 11 красавіка 2011 г. 15 чалавек загінулі, цяжкія цялесныя пашкоджанні атрымалі 32, менш цяжкія — 72, іншыя цялесныя пашкоджанні — 283 чалавекі. У выніку выбуху 4 ліпеня 2008 года ў Мінску раненні атрымалі 59 чалавек, 22 верасня 2005 года ў Віцебску — 55 і 14 верасня ў Віцебску — два чалавекі.
Паводле афіцыйнай інфармацыі, Дзмітрый Канавалаў адмовіўся пісаць прашэнне аб памілаванні на імя прэзідэнта. Уладзіслаў Кавалёў прашэнне напісаў.
На працягу трох з паловай месяцаў маці Кавалёва актыўна змагалася за свайго сына, звярталася да ўладаў, міжнародных арганізацый.Яна накіравала ў Камітэт ААН па правах чалавека скаргу аб парушэнні права на жыццё. Скарга была афіцыйна зарэгістраваная ў камітэце ААН 15 снежня. У адпаведнасці з працэдурнымі правіламі Камітэт ААН па правах чалавека звярнуўся з просьбай да ўладаў Беларусі не прыводзіць у выкананне смяротны прысуд Кавалёву, пакуль скарга не будзе разгледжаная па сутнасці.
11 сакавіка маці і сястра Кавалёва сустракаліся з ім у СІЗА КДБ.
-
У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет
-
У Беларусі за апошнія гады ліквідавалі 40 праваслаўных прыходаў
-
У Беларусі перастала працаваць сістэма анлайн-кантролю за рухам тавараў — ад шын да фенаў. Гэта не першы такі збой сёлета
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал10
Каментары