Ministar Radźkoŭ zahadaŭ vyrašyć pytańnie na karyść biełaruskamoŭnaha školnika.
Hod spatrebiŭsia baćkam Janki Łapickaha, 10-hadovaha liceista z Žodzina, kab damahčysia dla syna prava navučacca na rodnaj movie. Što tolki jany ni pačuli ad čynoŭnikaŭ: i pra nierentabelnaść biełaruskamoŭnych klasaŭ, i pra parušeńnie prava dziciaci na adukacyju praz admovu vučycca na niarodnaj movie. Paśla Łapickim prapanavali vučyć syna ŭ biełaruskaj škole ŭ vioscy za 10 km ad horadu.
Baćki dziaciej, što vučylisia ź Jankam, takoha cisku nia vytrymali. Ciapier ich dzieci vučacca ŭ klasach z rasiejskaj movaj navučańnia. Łapickija vyrašyli trymacca da kanca. Vyrašalnym staŭ list da ministra adukacyi Alaksandra Radźkova. Ź ministerstva ŭ adździeł adukacyi Žodzinskaha harvykankamu pryjšoŭ zahad: da 15 kastryčnika vyrašyć pytańnie na karyść Łapickich.
Nie zvažajučy na toje, što ceły hod daviałosia vučycca doma razam z baćkami, Janka maje pośpiechi ŭ vučobie. U jaho šmat siabroŭ, jakija atrymali prykład. I hety prykład nie adzinkavy.
U Horkach (Mahiloŭščyna) siamja Karalkovych taksama pieramahła ŭ spravie biełaruskamoŭnaha navučańnia dla dački, i ciapier tam pad sorak čałaviek navučajucca pa-biełarusku.
∎
Nacysty napali na kvateru Łapickich
U noč na 24 kastryčnika nieviadomyja abstralali kvateru, dzie žyvie siamja Łapickich, šaściu zaradami z pneŭmatyčnaj vintoŭki. Byli raźbityja šyby, ale nichto nie paciarpieŭ. U noč z 24 na 25 kastryčnika ŭ toje ž akno kinuli dva pakiety z čornaj farbaj. Pa fakcie abstrełu zaviedziena kryminalnaja sprava. U Žodzinie miarkujuć, što heta mahło być spravaj miascovych nacystaŭ. Jankaŭ tata Alaksiej Łapicki ŭznačalvaje žodzinskija arhanizacyi TBM i PBNF.
Kamientary