Mytny kamitet padrychtavaŭ prajekt ukazu prezydenta ab skasavańni kramaŭ biaspošlinnaha handlu.
Z 52-ch kramaŭ duty-free zastaniecca dźvie: adna ŭ Nacyjanalnym aeraporcie «Miensk», druhaja — dla absłuhi dypkorpusu. Kramy na pahranpierachodach likvidujucca.
Asartyment takich mahazynaŭ tradycyjny — cyharety, šakalada, parfuma, suveniry. Asnoŭny artykuł dachodu — impartny alkahol, jaki ŭ duty-free tanny, bo nie abkładajecca akcyzami i PDV.
U pieršym paŭhodździ impart u Biełaruś alkaholnych napojaŭ skłaŭ 11,5 młn dalaraŭ (341 tys. dekalitraŭ), ź ich na kramy duty-free prychodzicca 8,3 młn dalaraŭ (275 tys. dekalitraŭ). Ale naiŭna dumać, što plan takim kramam robiać čaŭnaki na polskim i litoŭskim pamiežžy. Kramy duty-free byli kanałam uvozu ŭ Biełaruś alkaholu biaz spłaty padatkaŭ. Niepadakcyzny alkahol išoŭ padpolnym raspaŭsiudnikam pradukcyi, haspadaram restaranaŭ.
Schiema pracavała, pakul kramy nie pravieryŭ Kamitet dziaržkantrolu. Pravierka vyjaviła, što abjomy nielehalnych pastavak na ŭnutrany rynak z hetych kramaŭ roŭnyja abarotu aficyjnych aptovych imparteraŭ alkaholu.
Ciapier čytajuć
Babaryka zojmiecca biznesam — užo adkryŭ kampaniju ŭ Hiermanii18
Babaryka zojmiecca biznesam — užo adkryŭ kampaniju ŭ Hiermanii
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary