Na biaspłatnaj asnovie kožny achvočy moža palepšyć svaje moŭnyja viedy i praktyku, udaskanalić viedy pa historyi i kultury Biełarusi.
Staršynia TBM Aleh Trusaŭ: «Zaniatki ładziacca ŭ dźviuch uzrostavych hrupach: navučency 7–8 klasaŭ i 9–10 klasaŭ. Vykładajuć u asnoŭnym kandydaty i daktary navuk. Hłyboka vyvučajem biełaruskuju movu, historyju, litaraturu. Jak śviedčać pieršyja vodhuki, dzieciam vielmi cikava. Zaprašajem dałučacca i inšych — pieradusim tych, chto choča hłybiej daviedacca pra našu historyju, movu, kulturu. Kursy buduć praciahvacca jašče niekalki miesiacaŭ».
Adzin z vykładčykaŭ moŭnych kursaŭ — movaznaŭca Lavon Barščeŭski. Jon kaža, što mahčymaść atrymać dadatkovyja viedy spryjalna adbivajecca na paśpiachovaści naviednikaŭ, što demanstruje dośvied apošnich hadoŭ: «Užo siem hadoŭ pry TBM pracujuć kursy dla dziaciej, jakija chočuć padciahnuć, vyvučyć, nabyć daskanałaść u biełaruskaj movie — jak vusnaj, tak i piśmovaj. Hetaksama dajucca dobryja viedy pa historyi: pieradusim pa historyi Biełarusi, ale krychu i pa ahulnaj historyi. Hetyja kursy dapamahajuć dzieciam našmat lepš rychtavacca da ahulnych ispytaŭ za bazavuju škołu, za siaredniuju škołu. Tamu zaprašajem dziaciej z 7 pa 10 klasy. Zaniatki — kožny paniadziełak i kožnuju sieradu ad 16-j hadziny da 18-j — viaduć vopytnyja vykładčyki z navukovymi stupieniami, asy svajoj spravy. Jak praviła, vyniki supolnych zaniatkaŭ pakazvali: dzieci, jakija chadzili na hetyja kursy, vielmi dobra potym zdavali ispyty ŭ svaich škołach».
Kursy pa biełaruskaj movie i historyi ładziacca ŭ mienskaj siadzibie TBM pa adrasie vulica Rumiancava, 13 kožnyja paniadziełak i sieradu.
Ciapier čytajuć
Siarhiej Cichanoŭski pierabraŭsia žyć u Łos-Andželes18
Kamientary