30 maja u Minsk z solnym kancertam jedzie hurt Sciana. Bieraściejcy pradstaviać publicy svoj novy sinhł «Novaja chvala», jaki papiaredničaje vychadu ich treciaha albomu. Kancert projdzie ŭ miežach akcyi «Žyvy Tuzin», jakuju ładzić partał Tuzin.fm pry padtrymcy kampanii «Budźma biełarusami».
Ad času vychadu albomu «Kropka viartańnia» (2010) u hurcie Sciana adbyłosia niamała źmienaŭ. Najpierš abnaviŭsia skład, da muzykaŭ dałučyŭsia elektronščyk Valery Sakałoŭ, viadomy z prajektaŭ «Too late: Frozen» i SKLF. Vakalist Pavieł Procharaŭ kaža, što prychod novaha čałavieka biassprečna adbiŭsia na hučańni jaho kamandy. «Albom užo amal zrobleny, vychad jaho zapłanavany na žnivień. Moža i karcić nazvać hety dysk najlepšym u našaj dyskahrafii, ale kazać hetaha nie budziem, bo viedajem, što samaje krutoje tolki napieradzie!» — zaznačaje Pavał i abiacaje, što na albomie budzie niamała siurpryzaŭ. Jak hučyć siońnia kamanda možna pačuć u zahałoŭnaj pieśni z novaha sinhła muzykaŭ
«Novaja chvala», što była niadaŭna prezientavanaja ŭ siecivie. Jašče try novyja pieśni buduć pradstaŭleny ŭ internecie napiaredadni kancertu.Hetym letam hurt budzie śviatkavać užo 14-ty hod naradžeńnia. Siarod ich dasiahnieńniaŭ – pieramoha na «Basovišča-2003», pryz, jak najlepšamu rehijanalnamu hurtu na «Rok-Karanacyi-2006», hałoŭny pryz na bujnym polskim feście «Rock Noca-2011».
Sciana duža šanavanaja ŭ Polščy dy Ukrainie, ale ŭ Biełarusi vystupaje davoli redka.
Sciana vyjdzie na scenu kłuba Loft 30 maja ŭ finalnym kancercie siezonu prajektu «Žyvy Tuzin». U viečarynie taksama voźmie ŭdzieł «arjerhardnaje tryjo» Tonqixod na čale z Uładziem Lankievičam, jakoje pakaža svaju debiutnuju prahramu ŭ stylistycy blizkaj da art-roku.
Vieści kancert «Žyvy Tuzin» pa tradycyi budzie Aleh Chamienka.Nie abyjdziecca sprava biez padarunkaŭ ad siabroŭ «Tuzina Hitoŭ» — kampanii «Budźma biełarusami».
***
- Prajekt «Žyvy Tuzin» isnuje z 2011 hodu. Pravodzicca ŭ farmacie padvojennaha kancertu z udziełam viadomaha biełaruskaha hurta, jaki svaim vystupam padtrymlivaje maładziejšych vystupoŭcaŭ. Abiedźvie kamandy vystupajuć z ekskluziŭnaj prahramaj, padrychtavanaj niepasredna da hetaha viečaru. U miežach prajektu vystupili takija hurty, jak Akute,:B:N:, N.R.M., J:Mors, IQ48, Re1ikt, Pomidor/off dy inšyja. U siezonie 2011-2012 mienavita na «Žyvym Tuzinie» adbylisia premjery novych prahramaŭ hurtoŭ HandMadE, «Ludzi na bałocie», «Pałac», BosaeSonca, ili-ili, «Alaksandra i Kanstancin».
***
30 maja (čaćvier). 19.00. Loft cafie (vuł.P.Broŭki, 22). Zaviaršalny kancert prajektu «Žyvy Tuzin» u kłubnym siezonie 2012-2013
Tonqixod
prezentacyja debiutnaj prahramy ad «arjerhardnaha tryjo» Uładzia Lankieviča
SCIANA
prezientacyja EP «Novaja chvala» + lepšyja i novyja pieśni
Košt kvitka – 80 000 rub.
- Kvitki možna nabyć u kasach KVITKI.BY i niepasredna ŭ kłubie pierad kancertam
- Zamović stolik : +375 29 38 000 10
- Inšyja pytańni: + 375 29 687 20 93
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia6
Kamientary