32‑hadovuju viaskoŭku z Homielščyny asudzili pa niekalkich palityčnych artykułach
Nadzieju Vicikavu z Homielskaj vobłaści pakarali za kamientary ŭ internecie i «sadziejničańnie ekstremisckaj dziejnaści».
Nadziei Vicikavaj 32 hady. Jana rodam ź vialikaha ahraharadka Nasovičy Dobrušskaha rajona, ale ŭ rozny čas taksama pražyvała ŭ Ziabraŭcy i Prybytkach.
Nadzieja ŭ sacsietkach pisała pra toje, pra što šmat chto piša: nabytki, tavary ź internetu, kaśmietyka. Biełaruski čałaviek jana: šmat dopisaŭ i kamientaroŭ rabiła na biełaruskaj movie. Ratavała i biazdomnych kacianiat: šukała haspadaroŭ dla kacianiat, jakich ludzi byli vykinuŭšy na dvor.
U niejki momant jaje aryštavali. Niadaŭna Homielski abłasny sud vynies joj prysud adrazu pa niekalkich palityčnych kryminalnych artykułach. Jaje asudzili pavodle č. 2 art. 367 (paklop na Łukašenku), art. 369‑1 (dyskredytacyja Biełarusi), a taksama pavodle častak 1 i 2 art. 361‑4 (sadziejničańnie ekstremisckaj dziejnaści).
Padobna, pieraśled źviazany z kamientarami ŭ internecie i spravaj Hajuna. Prysud užo ŭstupiŭ u zakonnuju siłu. Vicikavaj prysudzili chatniuju chimiju.
«Ekstremizmam» ułady Biełarusi ličać padpiski na niezaležnyja kanały, ŚMI, najaŭnaść spasyłak na ich u sacyjalnych sietkach ci najaŭnaść u sacsietkach abo na rečach biełaruskaj nacyjanalnaj, dałukašenkaŭskaj simvoliki. Da «ekstremizmu» zaličvajuć taksama praktyčna ŭsialakuju krytyku ŭładaŭ, aficyjnych histaryčnych naratyvaŭ ci prajavy salidarnaści z Ukrainaj.
Šmatlikija kryminalnyja spravy apošniaha času pa artykule ab «sadziejničańni ekstremizmu» byli źviazanyja sa «spravaj Hajuna».
«Biełaruski Hajun» — manitorynhavy OSINT-prajekt, jaki byŭ stvorany ŭ 2022 hodzie, kali Rasija praź Biełaruś napała na Ukrainu. Prajekt adsočvaŭ vajennuju aktyŭnaść rasijskich i biełaruskich vojskaŭ, abapirajučysia na infarmacyju ad biełarusaŭ. Kaardynavała jaho dziejnaść hrupa aktyvistaŭ na čale z Antonam Matolkam.
«Sprava Hajuna» pačałasia paśla taho, jak siłaviki zatrymali aktyvistku, jakaja niekalki hadoŭ žyła ŭ Biełarusi ŭ padpolli. U jaje mabilniku znajšli spasyłku na dałučeńnie ŭ bot Hajuna, jakuju joj dasyłali ŭ samym pačatku isnavańnia prajekta. Fatalnaja pamyłka była ŭ tym, što spasyłka była biesterminovaja. A tamu siłaviki zmahli padklučycca da bota i vypampavać adtul usiu infarmacyju. Jany atrymali paviedamleńni akaŭntaŭ, jakija pisali ŭ bot, a taksama ichnija ID i imiony karystalnikaŭ.
Zasnavalnik «Hajuna» Anton Matolka adrazu paśla ŭzłomu patłumačyŭ, jak adbyłasia ŭciečka infarmacyi, i abviaściŭ pra zakryćcio prajekta.
Pavodle padlikaŭ abjadnańnia siłavikoŭ «Biełpoł» i pravaabaroncaŭ, viadomyja imiony 9594 ludziej, jakija padpali pad palityčna matyvavanyja kryminalnyja spravy. Usiaho tyja ci inšyja palityčnyja represii (kryminałki, administratyŭki, zvalnieńni, pieratrusy) začapili kala 500 tysiač biełarusaŭ. Niekalki socień tysiač ludziej vymušanyja byli pakinuć krainu.
«Naša Niva» — bastyjon biełaruščyny
PADTRYMAĆ
U Biełarusi znajšli kopiju šviejcarskich Alpaŭ — ale turystaŭ tam nie čakajuć2
Kamientary
Vsio łučšieje krasaucam i dla krasaucau !