24 maja Latučy ŭniviersitet ładzić u Viciebsku pieršuju publičnuju lekcyju z cykłu «Urbi et Orbi». Na temu «Biełaruś jak intelektualnaja prablema» razvažaje fiłosaf Ihar Babkoŭ.
Voś užo dva hady, jak Latučy ŭniviersitet raspačaŭ u Minsku cykł publičnych lekcyj «Urbi et Orbi». Nazva cykłu — nie prosta hučny słohan: arhanizatary zadumvali hetyja lekcyi jak miesca, dzie možna pačuć važnyja, aktualnyja vykazvańni pra sučasnuju Biełaruś, jakija majuć patencyjał stać aryjenciram u hramadskim i ŭ indyvidualnym žyćci biełarusaŭ. Za hety čas u miežach Latučaha ŭniviersiteta było arhanizavana bolej za tryccać lekcyj, padčas jakich viadomyja intelektuały, mastaki, kulturnyja i hramadskija dziejačy mieli mahčymaść danieści da šyrokaha koła ludziej dumki, idei i prablemy, jakim pryśviačajuć svajo žyćcio i tvorčaść. U siezonie 2012–2013 hoda ŭniviersitet adčyniŭ rehijanalnuju placoŭku publičnych lekcyj u Mahilovie.
Cykł «Urbi et Orbi» u Viciebsku pačniecca ź lekcyi fiłosafa, paeta i prazaika Ihara Babkova.Lektar zaprašaje słuchačoŭ da dyskusii pra biełaruskuju tradycyju, što vystupaje adnoj ź viersij razvažańnia pra Biełaruś jak «intelektualnuju prablemu». U pradmovie da svajoj lekcyi fiłosaf kaža:
«Za apošniaje dziesiacihodździe Biełaruś stała važnaj i navat modnaj intelektualnaj prablemaj. Biełaruskaja identyčnaść, biełaruskaja ideja i biełaruski dyskurs, tutejšaść i novaje biełaruskaje kino, biełaruski postmadern i
Publičnaja pramova Ihara Babkova «Biełaruś jak intelektualnaja prablema» adbudziecca 24 maja 2013 pa adrasie: h. Viciebsk, vuł. Biełabarodava 5, vialikaja zała Viciebskaha centra sučasnaha mastactva. Pačatak, a18-j . Uvachod volny.
Ciapier čytajuć
Achviary intehracyi. Rasija biaspłatnymi pucioŭkami i praz Rassupracoŭnictva zavablivaje biełaruskich dziaciej16
Kamientary