35 (54). Siarhiej Huruloŭ
Staršynia Vajskova-pramysłovaha kamiteta.
Biełaruski VPK staić pierad novym vyklikami. Nie tak daŭno Siarhiej Huruloŭ paviedamiŭ, što sioleta buduć pakazany najnoŭšyja «ŭzory peŭnych srodkaŭ ahniavoha paražeńnia roznaj dalokaści». Usie — biełaruskaj vytvorčaści. Ciapier ekśpierty hadajuć, jakimi ž navinkami paraduje abaronny siektar.
Siarod udałych prykładaŭ pracy Vajskova-pramysłovaha kamiteta adznačajuć supraćtankavy kompleks «Šeršań». Ciapier biełaruskamu lidaru chaciełasia b atrymać ułasnyja efiektyŭnyja ŭstanoŭki suprać-rakietnaj abarony i apieratyŭna-taktyčnyja rakietnyja kompleksy. Idzie havorka i pra stvareńnie svajoj avijavytvorčaści.
Siarod kiraŭnictva Vajskova-pramysłovaha kompleksa tolki zusim niadaŭna źjaviŭsia ŭradženiec Biełarusi Dźmitryj Pantus, usie astatnija naradzilisia ŭ Rasii ci Ukrainie.
Cytata
«Biełaruś płanuje naroščvać hrupiroŭku kaśmičnych spadarožnikaŭ».
Studzień 2014.
Abjektyŭka
Nar. u 1953 u h.p. Ałavianaja Čycinskaj vobłaści (Rasija). Hienierał-lejtenant (2001). Skončyŭ Błahavieščanskaje vyšejšaje tankavaje kamandnaje vučylišča imia Mierackova (1974), Vajskovuju akademiju braniatankavych vojskaŭ imia Malinoŭskaha, Vajskovuju akademiju Hienštaba Uzbrojenych sił Rasii (1999). Z 1986 u Biełaruskaj vajskovaj akruzie. Z 1997 načalnik štaba — namieśnik kamandzira, z 2000 hoda kamandzir 28-ha armiejskaha korpusa. U 2001 byŭ načalnikam Hałoŭnaha štaba, z kanca 2001 — načalnik Hienieralnaha štaba Uzbrojenych Sił — pieršy namieśnik ministra abarony Respubliki Biełaruś. Ad 2009 — staršynia Vajskova-pramysłovaha kamiteta.
* * *
Ciapier čytajuć
Babaryka: Kali b my pieramahli — vajny va Ukrainie nie było b23
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»77
Kamientary