40 (–). Pavieł (śvieckaje imia Hieorhij Panamaroŭ)
Pradstajaciel Biełaruskaj pravasłaŭnaj carkvy, Mitrapalit Minski i Zasłaŭski.
Chvoraha Mitrapalita Fiłareta adpravili na adpačynak, a zamiest jaho prysłali jepiskapa z Razani Paŭła. Heta aburyła mnohich: RPC znoŭ pastaviła ŭ Minsk nie biełarusa. A plus da ŭsiaho internet adrazu ablacieła intervju Paŭła, dzie jon hraziŭsia amierykancam «adkryć čarnobylski kranik». Voś takija pieršyja ŭražańni byli pra ijerarcha.
Naprykancy minułaha hoda jeparchijalny schod staviŭ pytańnie ab samakiravanaści BPC. Temu padymaŭ sam Mitrapalit. Samakiravanaść davała b mahčymaść unutry Biełarusi vybirać novaha kiraŭnika carkvy. Delehaty schodu padtrymali takuju prapanovu. Adnak litaralna praz paru tydniaŭ Pavieł paviedamiŭ, što hetaja prapanova adchilenaja.
Mitrapalit Pavieł pa-raniejšamu nie pamianiaŭ hramadzianstva (u jaho rasijskaje), a taksama nie vystupaje publična pa-biełarusku.
Cytata
«Ja jak toj ciućka: usio razumieju, ale skazać nie mahu».
Pra biełaruskuju movu, studzień 2015.
Abjektyŭka
Nar. u 1952 u Karahandzie ŭ siamji rabočych. Adsłužyŭ u armii, trochi papracavaŭ ślesaram. U 1973—1976 vučyŭsia ŭ Maskoŭskaj duchoŭnaj sieminaryi. U 1980 skončyŭ Maskoŭskuju duchoŭnuju akademiju sa stupieńniu kandydata bahasłoŭja. Ad 1979 hoda pracavaŭ, jak i Fiłaret, u Adździele zamiežnych carkoŭnych znosinaŭ. Ad 1992 da 1999 byŭ pryznačany jepiskapam Zarajskim, jaki kiravaŭ patryjaršymi prychodami ŭ ZŠA i časova ŭ Kanadzie. U 1999 hodzie pryznačany jepiskapam Vienskim i Aŭstryjskim. U 2001 hodzie ŭźviedzieny ŭ san archijepiskapa z tytułam Vienski i Budapiešcki. U 2011 staŭ mitrapalitam Razanskim. U śniežni 2013 pieraviedzieny pradstajacielem BPC.
* * *
Taksama čytajcie:
Piać faktaŭ pra mitrapalita Paŭła
* * *
Načalnik milicyi Brahina stralaŭ u svaju žonku. Jana cudam vyžyła9
Kamientary