«Idzi ŭ ž***pu, jak ty śmieješ słavić Pucina?» — žurnalist u žyvym efiry adčytaŭ fanata kiraŭnika Rasii
Viadomy rasijski i ŭkrainski žurnalist Maćviej Hanapolski nie saromieŭsia ŭ vyrazach, patłumačyŭšy słuchaču, što jon dumaje pra jaho luboŭ da prezidenta Rasii.
Słuchač z Dnieprapiatroŭska, jaki datelefanavaŭsia ŭ sieradu, 28 kastryčnika, u pramy efir ukrainskaha radyjo «Vieści», narvaŭsia na patok «kamplimientaŭ» ad viadučaha Maćvieja Hanapolskaha.
Adrazu paśla vyvadu zvanka ŭ studyju, mužčyna, jaki nazvaŭsia Alaksandram, paviedamiŭ, što jaho natchniaje Uładzimir Pucin.
«Vo jak … I na što ž jon vas natchniaje, Alaksandr?» — ździŭlena spytaŭ Hanapolski.
U adkaz słuchač sabraŭsia było pieraličyć tyja jakaści, jakija jamu asabliva padabajucca ŭ prezidencie Rasii, adnak viadučy pierapyniŭ jaho słovami «zabojstva ukraincaŭ … heta jaho hałoŭnaja jakaść».
Alaksandr vykazaŭ svaju niazhodu z Maćviejem, upeŭniena zajaviŭšy, što nijakich ukraincaŭ Pucin nie zabivaje.
«Jon adziny, chto zmahajecca za Ukrainu i vyratuje jaje, ja ŭpeŭnieny», - praciahnuŭ nastojvać dniepropiatroviec.
Hetyja słovy kančatkova vyvieli viadučaha z raŭnavahi. Nachiliŭšysia da mikrafonu, jon hučna i razborliva pramoviŭ, robiačy paŭzu paśla kožnaj frazy:
«Idzi ŭ ž***pu. Čuješ mianie? Padonak… Padła… Ja tabie heta asabista kažu … Pa-pieršaje, zabanić, kab ja smurodu hetaha tut bolš nie čuŭ.. jak ty śmieješ, skacina, telefanavać u efir i prasłaŭlać čałavieka, dziakujučy jakomu Ukraina ledź nie zahinuła? Łajno».
Paśla hetaha tekstu Maćviej Hanapolski spakojnym hołasam prapanavaŭ praciahnuć efir.
Ciapier čytajuć
Babaryka raskazaŭ, jak chadziŭ u KDB znajomicca sa spravaj svajho represavanaha dzieda, jaki moh być rasstralany ŭ Kurapatach5
Babaryka raskazaŭ, jak chadziŭ u KDB znajomicca sa spravaj svajho represavanaha dzieda, jaki moh być rasstralany ŭ Kurapatach
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych1616
Kamientary