Što za zahadkavy prybor staić u kabiniecie Pucina? Raskazvajem
Sustreča Pucina ź ministram zamiežnych spraŭ Łaŭrovym prajšła za vielmi doŭhim stałom. Toje, jak Pucin bieražecca ad kavidu, stała ŭžo časam vyklikać uśmiešku, fota sustrečy z Makronam, jakaja taksama prajšła za hihanckim stałom, imhnienna stali nahodaj dla miemaŭ. Ale hetym razam u kabiniecie, dzie prachodziła sustreča, na fota trapiŭ zahadkavy prybor kala ściany. Što heta za biełaja skrynia?
Dakładna vyznačyć ciažka. Ale prybor vielmi padobny na «bakterycydny recyrkulatar pavietra». A kali dakładniej, to vielmi padobnaja pryłada rasijskaj vytvorčaści aficyjna nazyvajecca «apramianialnik-recyrkulatar pavietra ultrafijaletavy bakterycydny pierasoŭny».
«Apramianialnik-recyrkulatar užyvajecca dla abiezzaražvańnia pavietra ŭ pamiaškańniach roznaha pryznačeńnia, — havorycca ŭ apisańni. — U pracesie pracy jon praduchilaje raspaŭsiudžvańnie takich infiekcyj, jak hryp, VRZ, dyfteryja, suchoty i mnohich inšych šlacham dezynfiekcyi pavietra UF-vypramieńvańniem.
Krynicaj ultrafijaletavaha vypramieńvańnia słužać try biezazonavyja lampy firmy Philips z daŭžynioj chvali 254 nm. Takoje vypramieńvańnie maje šyroki śpiektr uździejańnia na mikraarhanizmy, uklučajučy bakteryi, virusy, hryby i spory.
Apramianialnik moža vykarystoŭvacca ŭ jakaści zaklučnaha źviana ŭ kompleksie sanitarna-hihijeničnych mierapryjemstvaŭ pry padrychtoŭcy pamiaškańnia da pracy. Ale asnoŭnaja jaho zadača — funkcyjanavańnie ŭ pamiaškańniach, dzie patrabujecca pastajannaja padtrymka asieptyčnych umoŭ u prysutnaści ludziej.
Taksama riecyrkulatar pryznačany dla vykarystańnia ŭ pamiaškańniach z pavyšanaj ryzykaj raspaŭsiudžvańnia zachvorvańniaŭ, jakija pieradajucca pavietrana-kropielnym i pavietranym šlacham».
Kali vy źbirajeciesia bierahčysia ad karanavirusa hetak ža staranna, jak Pucin, to možacie sabie dazvolić. Recyrkulatar takoj madeli rasijskaj vytvorčaści kaštuje kala 200 dalaraŭ.
Čytajcie jašče:
Pierad pryjezdam Pucina na Piskaroŭskich mohiłkach dezynfikavali śnieh
Stoł, za jakim Pucin i Makron pravodzili pieramovy, staŭ abjektam dla žartaŭ u sacsietkach
Ciapier čytajuć
Zornaja biełaruskaja intelektuałka pajšła na realici ad TNT — budzie plaści intryhi, kab atrymać 100 tysiač jeŭra6
Kamientary