Namieśnica premjer-ministra Natalla Kačanava na kalehii Ministerstva achovy zdaroŭja vykazała mierkavańnie, što miedyki «jak pracujuć, tak i zarablajuć».
Jana adznačyła, što «małady čałaviek, jaki prychodzić vučycca ŭ miedycynskuju VNU, naŭrad ci raźličvaje atrymlivać vielizarnuju zarpłatu».
«Kali čałaviek pryniaŭ dla siabie rašeńnie iści vučycca ŭ niaprostaj VNU, značyć, pryniaŭ rašeńnie pracavać na karyść ludziej, na karyść naroda. Z hetaha punktu hledžańnia i treba rychtavać budučych miedykaŭ», — skazała namieśnica premjer-ministra, jakaja pierajechała ŭ Minsk z pasady kiraŭnica harvykankama Navapołacka.
Na adnoj z pres-kanfierencyj Alaksandr Łukašenka skazaŭ, što zabraŭ Kačanavu ŭ Minsk pa rekamiendacyi śpiecsłužbaŭ, jakija źviarnuli ŭvahu na jaje kandydaturu. Pačynała Kačanava ŭ Navapołacku ŭ kamunalnaj haspadarcy, a ciapier kiruje ŭsioj sacyjalnaj śfieraj, u tym liku achovaj zdaroŭja, adukacyjaj i kulturaj.
Dola vydatkaŭ na achovu zdaroŭja ad VUP u Biełarusi rasła: 2011-y — 2% VUP, 2012-y — 3,8%, 2013-y — 4%, 2014-y — 4,2%, 2015 — 4,4%.
Heta bolš čym u Rasii ci Kazachstanie. Ale ŭ dziesiaci novych krainach Jeŭrasajuza, dzie praciahłaść žyćcia daŭžejšaja (majucca na ŭvazie Polšča, Čechija, Łatvija i h.d.) na achovu zdaroŭja traciać 5,4% ad VUP. Pryčym i VUP tam vyšejšy, čym u nas. Naprykład, pavodle źviestak Nacyjanalnaha fondu strachavańnia Litvy, u hetaj krainie na achovu zdaroŭja tracicca 7% ad VUP.
U ZŠA na zdaroŭje traciać 17,2% ad VUP, u Brytanii — 9,4%.
Siaredniaja zarpłata doktara ŭ Biełarusi składaje na siońnia kala 500 dalaraŭ. U Polščy jana — 1500 dalaraŭ.
* * *
Čytajcie taksama:
Historyja žyćcia Natalli Kačanavaj: jak valejbalistka z vodakanała stała samaj vysokapastaŭlenaj žančynaj Biełarusi
Ciapier čytajuć
Brat Koli Łukašenki buduje farmaceŭtyčny kompleks za $10 miljonaŭ11
Brat Koli Łukašenki buduje farmaceŭtyčny kompleks za $10 miljonaŭ
I pra realnych bandytaŭ, i pra kryvarukaha Kościu-plitačnika, i pra seks u ciahniku. Žurnalistka z Homiela napisała knihu — čytać jaje strašna i śmiešna1111
Kamientary