Śviatočny navahodni fiejervierk u Minsku pačniecca 1 studzienia 2017 hoda ŭ 01:30, paviedamiŭ namieśnik načalnika ŭpraŭleńnia adździeła ŭstanoŭ kultury i kulturna-aśvietnaj raboty Minharvykankama Alaksandr Šastakoŭ, pieradaje BiełTA.
«Śviatočnaja navahodniaja prahrama «Z novym hodam, stalica!» pačniecca kala Pałaca sportu ŭ 23:00, zavieršycca ŭ 04:00. Minčan i haściej budzie čakać navahodni fiejervierk, jaki pačniecca 1 studzienia ŭ 01:30», — adznačyŭ Alaksandr Šastakoŭ.
Jon raskazaŭ, što ŭ cełym u horadzie zapłanavana pravieści bolš za 100 mierapryjemstvaŭ. «Najbolš jarkaje — navahodniaje teatralizavanaje šeście Dziadoŭ Marozaŭ i Śniahuračak, u jakim prymuć udzieł zvyš 300 piersanažaŭ. Pačniecca jano 24 śniežnia ŭ 17:30 na pł. Niezaležnaści. Kałona projdzie pa pr. Niezaležnaści da vuł. Lenina, paśla pieramieścicca na vuł. Internacyjanalnuju i vyjdzie na pł. Svabody. Tam adbudziecca śvietłavoje piratechničnaje šou «Čaroŭnaja kraina ździajśnieńnia žadańniaŭ», — rastłumačyŭ načalnik upraŭleńnia.
Taksama jon praanansavaŭ novy prajekt «U haściach u Dzieda Maroza», jaki budzie prachodzić z 24 śniežnia pa 5 studzienia ŭ haradskoj ratušy. «Kali vy pryjdziecie tudy, to akuniaciesia ŭ čaraŭnictva, niepaŭtornuju atmaśfieru i zmožacie sustrecca ź Dziedam Marozam», - skazaŭ Alaksandr Šastakoŭ.
Ciapier čytajuć
Łukašenka zajaviŭ pra hatoŭnaść pryjechać u Kijeŭ92
Kamientary