U škołach i sadkach Minska masava adkryvajucca biełaruskamoŭnyja kłasy
U staličnych škołach masava stvarajuć biełaruskamoŭnyja kłasy, a ŭ dziciačych sadkach — biełaruskamoŭnyja hrupy.
«Płanujecca adkryć pieršyja kłasy ź biełaruskaj movaj navučańnia ŭ siarednich škołach № 56, 96, 128, 151, 179, 199. U 179-j jašče i piaty kłas. Taksama miarkujecca stvaryć biełaruskamoŭnyja hrupy ŭ dziciačych sadkach № 100, 205, 332, 384, 399», — paviedamiła ahienctvu «Minsk-Naviny» načalnik upraŭleńnia adukacyi, sportu i turyzmu administracyi Frunzienskaha rajona Iryna Čarniaŭskaja.
U ciapierašni čas navučańnie dziaciej na biełaruskaj movie ŭ Frunzienskim rajonie viadziecca tolki ŭ himnazii № 4, jaślach-sadku № 534 i ŭ adnoj hrupie ŭ dziciačym sadzie № 565.
Takim čynam, u Frunzienskim rajonie budzie siem sadkoŭ ź biełaruskaj movaj zamiest dvuch raniejšych, a zamiest adnoj himnazii — siem škoł i himnazij. Usiaho ž u rajonie 45 škoł i himnazij, a taksama 70 sadkoŭ.
* * *
Što datyčycca inšych rajonaŭ, pradstaŭniki ŭpraŭleńnia adukacyi, sportu i turyzmu administracyj Maskoŭskaha, Pieršamajskaha, Savieckaha, Centralnaha i Leninskaha rajonaŭ Minska adkazali «Našaj Nivie», što na dadzieny momant kankretnaj infarmacyi nakont novych biełaruskamoŭnych kłasaŭ i hrup u ich škołach i dziciačych sadkach niama, bo finalnaja kamplektavańnie navučencaŭ adbudziecca tolki ŭ kancy krasavika.
Ciapier čytajuć
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy55
Kamientary