Pad vodami Cichaha akijana ŭ jaho paŭdniova-zachodniaj častcy raźmiaščajecca Ziełandyja — siomy kantynient Ziamli. Da takoj vysnovy pryjšli hieołahi z Novaj Ziełandyi, Aŭstralii i Novaj Kaledonii, paviedamlaje vydańnie Nature News.
Płošča novaha kantynienta zajmaje kala piaci miljonaŭ kvadratnych kiłamietraŭ. Vialikaja jaho častka, prykładna 94 pracenty, raźmieščanaja pad vadoj, siarod naziemnych elemientaŭ — vyspy Novaja Kaledonija i novaziełandskija vyspy Paŭnočnaja i Paŭdniovaja.
Ziełandyja, pavodle acenak navukoŭcaŭ, pačała adkołvacca ad staražytnaha supierkantynienta Handvana kala sta miljonaŭ hadoŭ tamu. Heta pryviało da defarmacyi ziamnoj kary, u vyniku čaho vialikaja častka macieryka apynułasia pad vadoj. Svaje vysnovy hieołahi paćviardžajuć spadarožnikavymi nazirańniami, u pryvatnaści, hravimietryjaj, zhodna ź jakoj, na miescy Ziełandyi znachodzicca macierykovaja, a nie akijanskaja kara abo vułkaničnyja parody.
Aŭtary prapanujuć pavialičyć kolkaść hieahrafičnych kantynientaŭ, dałučyŭšy da ich i Ziełandyju.
Kamientary