U paniadziełak 13 sakavika ŭ viciebskim pabie «Torvald» adbudziecca tvorčaja sustreča ź piśmieńnikami Uładzimiram Sadoŭskim i Andrejem Dzičenkam. Abodva aŭtary sioleta vyjšli ŭ finał litaraturnaj premii «Debiut» i pretendujuć na atrymańnie hałoŭnaha pryzu — 2000 dalaraŭ.
Uładzimir Sadoŭski prezientuje svoj našumieły zombi-chorar «1813», Andrej Dzičenka — pikantnuju knihu-padarožža pa pamiežnych prastorach pad nazvaj «Soniečny čałaviek».
Apovieść Sadoŭskaha «1813» užo za pieršyja tydni z momantu publikacyi atrymała dziasiatak stanoŭčych vodhukaŭ i nastupnyja čatyry miesiacy trymałasia ŭ lidarach pa vynikach prodažaŭ elektronnych knih. U pačatku 2017 hoda kniha vyjšła ŭ papiarovym varyjancie, i ciapier bje rekordy pa raspaŭsiudzie.
Zbornik apaviadańniaŭ «Soniečny čałaviek» Andreja Dzičenki — debiutnaja kniha aŭtara na biełaruskaj movie, jakaja vyjšła tolki ŭ elektronnym varyjancie na kniharnia.by. Da hetaha jon napisaŭ niekalki knih pa-rusku. Drukujecca ŭ prestyžnym rasijskim «Snobie», vyvučajecca ŭ kursach novaj litaratury ŭ kaledžach ZŠA. Hałoŭnyja hieroi jaho tvoraŭ — anamalnyja ludzi, achviary łakalnych kanfliktaŭ, azłoblenyja mańjaki, pałkija dziaŭčyny, idejnyja cnotniki i stałkiery ź niaźviedanych suśvietaŭ.
Uvaha, Viciebsk! Tvorčaja sustreča ź piśmieńnikami, jakija prymušajuć pa-novamu hladzieć na biełaruskuju litaraturu, adbudziecca ŭ paniadziełak 13 sakavika ŭ pabie «Torvald» (vuł. Tałstoha, 1). Pačatak a 19.00.
Uvachod volny.
Mierapryjemstva arhanizavana ź inicyjatyvy vydaviectva «Januškievič» i partała biełaruskich elektronnych knih kniharnia.by.
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina6
Kamientary