Kažuć, jon u ciažkim stanie.
Palitźniavoleny žurnalist Kiryła Paźniak trapiŭ u špital pry SIZA ŭ Kaladzičach.
«U špitali pry SIZA-1 u ciažkim stanie znachodzicca moj były muž žurnalist Kiryła Paźniak. Z zapuščanymi nastupstvami pnieŭmanii i kavidu, jakija padchapiŭ u izalatary na Akreścina 8 miesiacaŭ tamu. Prava na achovu zdaroŭja — heta bazavaje prava čałavieka. Prašu zrabić tych, ad kaho heta zaležyć, usio, kab zachavać čałaviečaje žyćcio!» — napisała jaho byłaja žonka Alena ŭ sacsietkach.
Kiryła Paźniak byŭ zatrymany 4 vieraśnia 2025 hoda. Tady KDB abvieściŭ «ekstremisckim farmavańniem» YouTube-kanał «Płatforma 375», a žurnalista nazvaŭ «arhanizataram» hetaha «farmavańnia».
U toj ža dzień, paviedamlali pravaabaroncy, zatrymali i 20‑hadovuju dačku Kiryły Paźniaka — Janinu Paźniak. Jana taksama źmieščanaja pad vartu, i joj vystaŭlena abvinavačańnie va ŭzajemadziejańni z «ekstremisckim farmavańniem».
U 2021—2022 hadach kanał pravioŭ niekalki debataŭ pamiž praŭładnymi prapahandystami i ich apanientami, što vymušana vyjechali z krainy. Apošni efir adbyŭsia 3 śniežnia 2022 hoda z udziełam Ryhora Azaronka (STV), Juryja Cieracha («SB. Biełaruś siehodnia») — u Minsku, a taksama Aleha Talerčyka (suzasnavalnik arhanizacyi byłych supracoŭnikaŭ siłavych struktur «Bajpoł») i viadučaha Dzianisa Dudzinskaha.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary