Užo miesiac, jak u prodažy źjavilisia biełaruskija preziervatyvy Indigo.
Ciapier u liniejcy preziervatyvaŭ Indigo piać vidaŭ: kłasičnyja, praciahłaha dziejańnia, adčuvalnyja, miks zadavalnieńniaŭ i fruktovy miks.
Svabodnuju nišu ŭbačyła i zaniała kampanija «Farmin». Siońnia biełaruskija preziervatyvy pradajucca ŭ 140 aptekach i niekatorych kramach. Ciapier kampanija aktyŭna pracuje na toje, kab pradukt zaniaŭ svajo miesca na palicach bujnych handlovych sietak.
«My zachacieli zrabić svoj biełaruski brend preziervatyvaŭ. Aryjentavalisia na zachodnija krainy, imknulisia zrabić usio na suśvietnym uzroŭni, — raspaviadaje brend-mieniedžar kampanii Andrej Pluščenia. — My ličym, što naš pradukt budzie papularnym pa dźviuch pryčynach.
Pieršaje — niestandartny źniešni vyhlad, dyzajn, jaki raspracoŭvała biełaruskaja kampanija. Druhoje — cana. Za mienšyja hrošy naš pakupnik atrymlivaje piać preziervatyvaŭ zamiest troch. Plus u nas jość dźvie miksavyja pazicyi. U adnoj upakoŭcy «fruktovaha miksu» klijent atrymlivaje piać roznych vodaraŭ. U adnoj upakoŭcy «miksu zadavalnieńniaŭ» — try roznyja struktury pavierchni».
Na miedycynskaj vystavie, što prajšła naprykancy sakavika, pradstaŭniki «Farmin» razdali kala 2500 uzoraŭ ajčynnych preziervatyvaŭ dla taho, kab ludzi zmahli samastojna acanić. Andrej zapeŭnivaje, što narakańniaŭ nie było.
Darečy, sami preziervatyvy vyrablaje małazijskaja kampanija — tak vyhadniej.
«Dreva Hievieja, ź jakoha zdabyvajuć łateks, raście pieravažna ŭ Paŭdniova-Uschodniaj Azii. Kab atrymać łateks, treba sabrać sok hieviei i pierapracavać jaho. Vieźci łateks z Azii da nas u Biełaruś i pierapracoŭvać tut paprostu nie vyhadna. Darečy, najlepšy łateks atrymlivajecca z soku, sabranaha ŭzimku. My imkniomsia vykarystoŭvać jakraz hety, jon bolš jakasny», — kaža Andrej.
Brend-mieniedžar adznačaje, što liniejka preziervatyvaŭ z časam budzie pavialičvacca. U płanach — vyrabić XXL, mahčyma — pradumać niejkija kalarovyja varyjanty.
Čytajcie taksama: U Biełarusi ŭpieršyniu pačali vyrablać šmaravidła dla seksu
Ciapier čytajuć
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy55
Kamientary