Madel Playboy razzłavała maory hołym azadkam na śviatoj hary FOTA
Madel eratyčnaha časopisa Playboy Džejlin Kuk, jakaja vandruje pa śviecie, uhniaviła starejšyn novaziełandskaha plemieni maory, apublikavaŭšy ŭ svaim instahramie fotazdymak, na jakoj jana staić biez adzieńnia na śviatoj dla karennych novaziełandcaŭ hary Taranaki. Pra heta piša VVS.
«Heta samaje składanaje, što ja kali-niebudź rabiła», — padzialiłasia dziaŭčyna emocyjami ad uzychodžańnia na haru sa svaimi 300 tysiačami padpisčykaŭ.
Na Taranaki Kuk uźlezła sa svaim bojfrendam, jaki i zrabiŭ skandalny zdymak, što nabraŭ bolš za 14 tysiač łajkaŭ.
«Heta jak kali b niechta zajšoŭ u sabor śviatoha Piatra ŭ Vatykanie, kab zrabić hołaje sełfi», — aburajecca pradstaŭnik miascovych maory Denis Nhavare ŭ razmovie z VVS.
Patuchły vułkan Taranaki maje 2518 mietraŭ u vyšyniu i ŭ pieryjad brytanskaj kałanizacyi Novaj Ziełandyi nasiŭ imia Ehmant.
Pa słovach Nhavare, starejšyny maory nie majuć ničoha suprać turystaŭ, adnak prosiać ad ich pavahi da miascovych kaštoŭnaściaŭ.
«Ludzi kažuć, što heta prosta skała — jak jaje možna abrazić? Ale apošni aburalny vypadak pakazvaje, što byvaje, kali niechta zusim nie viedaje, jak siabie pavodzić u takim miescy», — dadaŭ Denis.
Mer akruhi Stratford, dzie znachodzicca viaršynia, pahadziŭsia z tezisam ab biestaktoŭnaści Kuk u dačynieńni da miesca pachavańnia prodkaŭ miascovaha kłana maory.
«Nie dumaju, što samo fota takoje ŭžo nieprystojnaje, ale voś viaršynia Taranaki — heta najvažniejšaje miesca dla miascovaj supolnaści», — skazaŭ Nił Volskie.
Raniej maory ŭžo sutykalisia ź nierazumieńniem turystaŭ, jakija ładzili na Taranaki piknik z barbiekiu i malavali hrafici na viaršyni.
U niekatorych krainach niepavaha da miascovych relihijnych kaštoŭnaściaŭ abaročvajecca dla turystaŭ bolš surjoznymi nastupstvami. U červieni 2015 hoda aholenyja turysty zrabili sełfi na viaršyni hary Kinabału ŭ Małajzii, paśla čaho miascovaje plemia abvinavaciła ich u niepavazie da miascovych duchaŭ. Praź niekatory čas u štacie Sabach, dzie raźmieščany horny masiŭ, adbyŭsia ziemlatrus, i vandroŭniki paŭstali pierad sudom za abrazu pačućciaŭ viernikaŭ.
Ciapier čytajuć
«Vyskačyć na vulicu ŭ karotkich spadničkach — heta vy mahli. I ŭsich hvałtavali tam». Łukašenka ŭspomniŭ kinošnikam 2020-y i zaklikaŭ spynicca16
Kamientary