Znajšli aŭtara rukapisu, napisanaha na nieviadomaj movie nieviadomym aŭtaram z vykarystańniem nieviadomaha ałfavitu?
Aŭstralijski navukoviec Styvien Skinar upeŭnieny, što aŭtaram tajamničaha manuskrypta byŭ lekar-habrej, jaki pražyvaŭ na poŭnačy Italii.
Rukapis Vojniča — kniha, napisanaja, mierkavana, ŭ XV stahodździ nieviadomym aŭtaram na nieviadomaj movie z vykarystańniem nieviadomaha ałfavitu. Usiaho ŭ rukapisie prykładna 250 tysiač słovaŭ. Manuskrypt ŭmoŭna možna padzialić na šeść raździełaŭ: astranamičny, bataničny, bijałahičny, kasmałahičny, farmaceŭtyčny i receptny. Nad tajamnicaj knihi ŭžo šmat hadoŭ łamajuć hałovy navukoŭcy i kryptohrafy, adnak rasšyfravać jaje da hetaha času nie ŭdałosia nikomu.
Hazieta The Guardian paviedamlaje, što Styvien Skinar, śpiecyjalist pa siaredniaviečnych manuskryptach z Aŭstralii, vyjaviŭ u kožnym z raździełaŭ rukapisa padkazki, jakija pakazvajuć na asobu aŭtara. Vučony vykazaŭ zdahadku, što na ilustracyjach namalavanyja habrejskija reziervuary dla rytualnaha abmyvańnia, mikvy, jakija i da hetaha času vykarystoŭvajucca artadaksalnymi habrejami. U pryvatnaści, žančyny vykarystoŭvajuć mikvy, kab ździejśnić rytualnaje abmyvańnie paśla naradžeńnia dziciaci abo zakančeńnia mienstruacyj.
Skinar taksama ŭkazaŭ na adsutnaść chryścijanskich znakaŭ u manuskrypcie, što niezvyčajna dla histaryčnaha pieryjadu Siaredniaviečča.
Kali budzie dakazana, što Skinar maje racyju, jaho teoryja moža dapamahčy razhadać jašče bolš tajamnic zašyfravanaha manuskrypta. Sam ža navukoviec upeŭnieny ŭ svajoj racyi «na 85%».
Knihu vyjaviŭ u 1912 hodzie Uiłfryd Vojnič. Jon kupiŭ jaje ŭ horadzie Fraskat (Italija). Ciapier manuskrypt zachoŭvajecca ŭ biblijatecy redkich knih Jelskaha ŭniviersitetu.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary