12 žniŭnia ŭ Łošyckim parku adbudziecca A-Fest — jeŭrapiejski fiestyval «piva i ježy», na jakim vystupiać Džon Ńjuman, Maryja Čajkoŭskaja i De-Phazz, a taksama projdzie karaokie-piknik pad adkrytym niebam — z asobnaj scenaj, dzie prahučać suśvietnyja chity na biełaruskaj movie.
Usiaho ŭ Łošyckim parku padčas vialikaha fiestyvalu budzie pracavać try placoŭki dla karaokie: «Miensk Sounds» — dla jeŭrapiejski chitoŭ, «Havoryć Minsk» — dla tych, chto nie ŭmieje śpiavać, ale hatovy čytać lubimyja pieśni jak vieršy (heta nazyvajecca «peetokie» ) i «Minsk hučyć», dzie na praciahu čatyroch hadzin buduć hučać pieśni tolki na biełaruskaj movie.
— Sioleta my vyrašyli dać słova ŭsiamu Minsku, a nie tolki artystam na hałoŭnaj scenie, — prakamientavała dyrektar pa markietynhu kampanii-arhanizatara A-Fest Hanna Hubkina. — Častkaj jeŭrapiejskaha śviata stanie karaokie-prahrama, u jakoj moža ŭziać udzieł ŭsie naviedvalniki fiestyvalu i prapanavać svajo bačańnie suśvietnych chitoŭ. My chočam, kab jak maha bolš piesień prahučała na biełaruskaj movie, teksty na jakoj źjaŭlajucca takoj ža častkaj jeŭrapiejskaj kultury, jak chity Depeche Mode abo «Love Me Again» Džona Ńjumana.
Śpiecyjalna dla A-Fest arhanizatary pierakłali na biełaruskuju movu tekst «Despacito» — rehietona, videa na jaki nabraŭ bolš za 3 młrd prahladaŭ i stała samym papularnym rolikam na YouTube. Prezientacyja pieśni adbudziecca padčas prahramy «Śpiavajem suśvietnyja chity na movie», jakaja pačniecca ŭ 15:30 na placoŭcy «Minsk hučyć». Akramia hetaha, na karaokie-pikniku prahučać duety z zorkami — padtrymać hałasistych minčukoŭ u karaokie pahadzilisia hurty «Akute» i «Intellegency», Tea, Juzary, Hanna Šalucina i inšyja biełaruskija artysty. Pa prośbie arhanizataraŭ A-Fest'a muzykanty i viadomyja muzyčnyja ekśpierty skłali chit-parad hałoŭnych biełaruskich piesień. Vykanańniem «Kupalinki» i inšych kampazicyi z TOP-10 zavieršycca prahrama na biełaruskaj placoŭcy karaokie-piknika.
«Pieśniary» — «Kasiŭ Jaś»
«Pieśniary» — «Aleksandryna»
«Vierasy» — «Malinaŭka»
N.R.M. — «Try čarapachi»
«Lapis Trubiackoj» — «Voiny śviatła»
«Pieśniary» — «Vieranika»
«Krambambula» — «Hosci»
J: Mors — «Majo sonca»
Maks Korž «Žyć u kajf»
«Pietla Pristrastija» — «Hruz»
Jeŭrapiejski fiestyval A-Fest projdzie ŭ Łošyckim parku ŭ druhi raz, uvachod i ŭdzieł va ŭsich karaokie-batłach biaspłatny. Dla ŭdziełu ŭ karaokie-pikniku patrabujecca papiaredniaja rehistracyja tut.
Prahrama fiestyvalu A-Fest
Palana №1 Minsk hučyć
13:00 - 14:00 bitva karaokie-kłubaŭ
14:00 - 14:30 konkurs «Pieraśpiavaj Džona Ńjumana»
14:30 - 15:30 karaokie-batł zornych dvajnikoŭ
15:30 - 16:30 śpiavajem z zorkami fiestyvalu
16:00 - 17:00 karaokie-batł — niečakanyja duety
Palana №2 Minsk hučyć
13:00 - 14:00 karaokie-batł — našy pieśni BY/RU
14:00 - 14:30 karaokie-battł — niečakanyja duety
14:30 - 15:30 śpiavajem z zorkami fiestyvalu
15:30 - 16:30 karaokie-battł — śpiavaje suśvietnyja chity na movie
16:30 - 17:00 TOP-10 piesień Biełarusi ŭsich časoŭ
Palana №3 Havoryć Minsk
13:00 - 14:00 konkurs čytalnikaŭ: čytajem pieśni i vybirajem samaha emacyjnaha vykanaŭcu
14:00 - 15:00 karaokie-batł dla tych, u kaho ni słychu, ni hołasu
15:00 - 17:00 muzyčny kviz «Hałoŭnyja pieśni ab hałoŭnym»
Kali: 12 žniŭnia
Dzie: Łošycki park
U kolki: 00:00 - 23:00
Uvachod volny, asoby da 18 hadoŭ u supravadžeńni darosłych.
Ciapier čytajuć
Kolki biełarusaŭ atrymali polskaje hramadzianstva za apošni čas. Ličby ŭražvajuć8
Kolki biełarusaŭ atrymali polskaje hramadzianstva za apošni čas. Ličby ŭražvajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary