Nabyvajučy kvitok na budučuju dakumientalnuju pastanoŭku «11 krasavika», vy takim čynam dapamahajecie joj źjavicca.
«11 krasavika 2011 hoda 14 čałaviek zahinuli, kala 200 — paciarpieli, ź ich 167 byli haśpitalizavanyja. My adšukali niekatorych ź ich i zadali im niekalki pytańniaŭ», — raskazvaje tvorčaja kamanda prajekta.
U jaje ŭvachodziać udzielniki łabaratoryi sacyjalnaha teatra, stvoranaha ŭ 2016 hodzie na bazie kancentracyi «Sučasnaje mastactva i teatr» Jeŭrapiejskaha kaledža Liberal Arts ŭ Biełarusi. Režysioram vystupaje Valancina Maroz, a dramaturham, jaki źlapiŭ historyi paciarpiełych ad vybuchu ŭ adzinaje cełaje, staŭ Kanstancin Ściešyk.
Historyi śviedak trahiedyi ŭžo hučali ŭ farmacie čytki — heta vyklikała rezanans, tamu było vyrašana zrabić ź ich i paŭnavartasny śpiektakl. Hrošy, jakija akciory i režysior źbirajuć na kraŭdfandynhavaj płatformie, pojduć na dekaracyi i videaafarmleńnie.
Adna z hałoŭny metaŭ śpiektakla — «nie dać hramadstvu zabycca pra važnyja momanty ahulnaj historyi, jakija zastalisia niepramoŭlenymi da kanca». Dapamahčy ŭ hetym jaho stvaralnikam možna voś tut.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie30
Kamientary