Bjorndalen pryznaŭsia, što jamu prapanoŭvali ŭznačalić Mižnarodnuju fiederacyju bijatłonu
«Heta jeŭrapiejskija krainy», — raskazaŭ vaśmirazovy alimpijski čempijon.
Lehiendarny narviežski bijatłanist, muž prasłaŭlenaj biełaruski Darji Domračavaj, zajaviŭ, što niekatoryja nacyjanalnyja fiederacyi prapanoŭvali jamu vyłučyć svaju kandydaturu na pasadu prezidenta Mižnarodnaha sajuza bijatłanistaŭ (IBU).
— Da mianie sapraŭdy źviartalisia mnohija fiederacyi z pytańniem, ci nie chacieŭ by ja bałatavacca. Heta byli kankretnyja zapyty. Heta jeŭrapiejskija krainy. Ale heta nie krainy Uschodniaj Jeŭropy.
Ja razvažaŭ nad hetaj mahčymaściu. Mnie chaciełasia b raźvivać bijatłon u najlepšym kirunku i maksimalna pavysić patencyjał i kaštoŭnaść mižnarodnaha bijatłona. Ale ja nikoli nie atrymlivaŭ takich zapytaŭ z Rasii abo Biełarusi, — skazaŭ Bjorndalen.
Vybary novaha prezidenta pryznačany na vierasień 2026 hoda. Zaraz IBU uznačalvaje Ole Dalin.
Biełaruski i rasijski bijatłon paśla pačatku poŭnamaštabnaj vajny suprać Ukrainy ź viasny 2022 hoda znachodzicca pad mižnarodnym banam, spartoŭcy adchilenyja ad spabornictvaŭ i prapuskajuć Kubak śvietu pa bijatłonie, čempijanaty śvietu, a taksama prapuścili Alimpijadu-2026.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary