Biełaruś hatovaja da praviadzieńnia kansultacyj z Polščaj pa pytańniach dvuchbakovych adnosin. Pra heta zajaviŭ ministr zamiežnych spraŭ Biełarusi Maksim Ryžankoŭ u efiry telekanała «Biełaruś 1».
«Ja b našym polskim susiedziam daŭ čas siabie prajavić. U nas zadač vielmi šmat i mahčymaściaŭ vielmi šmat. Kali nam udasca adpracavać uzajemnyja transpartna-łahistyčnyja miechanizmy, ad hetaha tolki vyjhrajuć abodva baki. Kali my znojdziem raźviazki pa niejkich handlova-ekanamičnych pytańniach, pamiežnym supracoŭnictvie (słuchajcie, čyhunka nie pracuje, samaloty nie lotajuć, šerah punktaŭ propusku zastajecca zakrytym, čerhi šalonyja), to, viadoma, varta čakać intensifikacyi kantaktaŭ», — skazaŭ Maksim Ryžankoŭ.
Jon dadaŭ, što za intensifikacyjaj kantaktaŭ zaŭsiody idzie raźvićcio adnosin pa ŭsich napramkach. Ale miač znachodzicca na polskim baku.
«Jany šmat havaryli, što ŭ ich jość niejkija ŭmovy. Tak skłałasia, što ŭsie pytańni źniaty siońnia. Kali łaska, my hatovy da praviadzieńnia kansultacyj z polskim bokam na ŭzroŭni namieśnikaŭ ministraŭ, na inšym uzroŭni — niejkaha ŭpaŭnavažanaha i hetak dalej. Kab dla pačatku adpracavać uvieś kompleks adnosin. Chtości pavinien sieści i zrabić dakładny razbor palotaŭ, dzie ž my siońnia z polskim bokam znachodzimsia, pa ŭsim kole adnosin. Ja dumaju, što heta pavinny zrabić MZS», — padkreśliŭ ministr.
Kamientary
Uvohule - da skačeńnia vajny vialikich razmovaŭ čakać nie varta.