Antybijotyk novaha pakaleńnia stvarajuć z małaka kačkanosaŭ, jakoje maje ŭnikalnyja ŭłaścivaści
Navukoŭcy znajšli novy i zusim niečakany srodak ad bakteryj, jakija ŭstojlivyja navat da samych sučasnych lekaŭ, piša eurekalert.org.
Amal 70 hadoŭ antybijotyki byli praktyčna panacejaj čałaviectva: imi lačyli amal usio. Ale čym bolš my ich vykarystoŭvali, tym bolš ustojlivymi stanavilisia bakteryi. Užo isnujuć «supierbakteryi», na jakija nie mohuć paŭździejničać navat samyja sučasnyja antybyjotyki.
U 2010 hodzie navukoŭcy vyśvietlili, što ŭ małaka kačkanosaŭ jość antybakteryjalnyja ŭłaścivaści.
U adroźnieńnie ad inšych sysunoŭ u kačkanosaŭ niama saskoŭ, małako niby pot prastupaje na bruška kačkanosa, adkul dzicianiaty jaho i źlizvajuć. U vyniku jany padviarhajucca dadatkovaj niebiaśpiecy z boku vonkavaha śvietu, i, mahčyma, mienavita tamu małako hetych niezvyčajnych žyvioł vałodaje antybakteryjalnymi ŭłaścivaściami.
Aŭstralijskija navukoŭcy vyrašyli vyśviatlić, jaki miechanizm upłyvaje na takuju dziŭnuju asablivaść, i vyjavili niezvyčajny i całkam unikalny białok, jaki źmiaščajecca ŭ hetym małace. Mienavita hety białok i zabivaje bolšaść ź viadomych chvarobatvornych bakteryj.
Daśledčyki miarkujuć, što ŭnikalnaja struktura dapamahaje białku spraŭlacca z supierbakteryjami, i ciapier majuć namier vyrabić na jaho asnovie antybijotyk novaha pakaleńnia.
Šrajbman z kalehami prapanavali pakrokavy płan deeskałacyi adnosin Biełarusi i ES53
Šrajbman z kalehami prapanavali pakrokavy płan deeskałacyi adnosin Biełarusi i ES
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4545
Kamientary