U Biełarusi źjaviŭsia novy sous, jaki vonkava nahadvaje majanez, ale vyrableny biez vykarystańnia inhredyjentaŭ žyviolnaha pachodžańnia. Minski vytvorca, dobra viadomy svaimi majanezami, pačaŭ prodaž praduktu pad handlovaj markaj «Załataja kropla», piša Telegraf.news.
Novy sous z nazvaj «Viehan» całkam składajecca z raślinnych kampanientaŭ. Na Minskim marharynavym zavodzie adznačajuć, što jon raźličany na ludziej, jakija prytrymlivajucca zdarovaha ładu žyćcia, trymajuć post, a taksama na viehanaŭ i viehietaryjancaŭ.
Asnoŭnymi asablivaściami navinki źjaŭlajucca nizkaja kałaryjnaść, adsutnaść žyviolnych tłuščaŭ, vykarystańnie harochavaha białku jak kaštoŭnaj krynicy raślinnaha prateinu i adsutnaść kansiervantaŭ. Poŭny skład pakul niedastupny, bo sous jašče nie źjaviŭsia na aficyjnym sajcie vytvorcy.
Padobnyja harochavyja sousy nie źjaŭlajucca ŭnikalnaj raspracoŭkaj biełaruskich technołahaŭ. U roznych krainach jany vykarystoŭvajucca daŭno. Naprykład, u Vialikabrytanii papularny harnir da fish and chips — hustoje zialonaje piure z sušanaha harochu ź miataj i limonnym sokam. U Indyi ž haroch časta dadajuć u vostryja sousy na asnovie tamataŭ, cybuli, kešju abo kakosavaha małaka, jakija mohuć być jak dadatkam, tak i samastojnymi stravami.
Raniej Minski marharynavy zavod užo ździŭlaŭ pakupnikoŭ niezvyčajnymi navinkami: u liniejcy sousaŭ «Załataja kropla» źjaviŭsia majanez dalikatna-ružovaha koleru, što nietypova dla kłasičnaha praduktu.
Ciapier čytajuć
Chto pradaŭ kvateru ŭ «Majaku Minska» źnikłaj Mielnikavaj? Takoha čałavieka nie isnuje22
Kamientary