Alaksandr Łukašenka padpisaŭ dva ukazy, skiravanyja na «vystrojvańnie kanstruktyŭnaha i ŭsiebakovaha dyjałohu ź Jeŭrasajuzam».
Jak paviedamiła pres-słužba prezidenta, dakumienty padpisany 20 listapada.
Ukaz № 633 praduhledžvaje padpisańnie ramačnaha pahadnieńnia pamiž uradam Biełarusi i Jeŭrakamisijaj, jakoje vyznačaje status i ŭmovy realizacyi techničnaha sadziejničańnia ŭ miežach Jeŭrapiejskaha instrumienta dobrasusiedstva i partniorstva.
«Takim čynam, uzajemadziejańniu Respubliki Biełaruś i Jeŭrapiejskaha sajuza nadajecca sistemnaja asnova, jakaja dazvalaje efiektyŭna realizoŭvać sumiesnyja prajekty ŭ śfierach, što ŭjaŭlajuć uzajemnuju cikavaść», — zaznačajecca ŭ paviedamleńni pres-słužby. U liku pryjarytetnych dla abodvuch bakoŭ kirunkaŭ adznačany enierhietyka, transpart, udaskanaleńnie mytnaj infrastruktury, baraćba ź niezakonnaj mihracyjaj i mižnarodnaj złačynnaściu, abarona navakolnaha asiarodździa.
Ukaz № 634 skiravany na adaptacyju ŭ nacyjanalnym zakanadaŭstvie pryncypaŭ, zakładzienych u pahadnieńni ab adkryćci ŭ Biełarusi pradstaŭnictva Kamisii ES, jakoje było padpisana 7 sakavika, ale jašče nie ŭvajšło ŭ siłu. Ukaz stvaraje «spryjalnyja ŭmovy dla dziejnaści hetaha pradstaŭnictva na terytoryi Biełarusi i dazvolić bolš efiektyŭna vieści dyjałoh pa šyrokim śpiektry pytańniaŭ adnosinaŭ Biełarusi ź ES», paviedamlaje pres-słužba prezidenta.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj2
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1212
Kamientary