7 vieraśnia stała viadoma, što ŭ harach Kabardzina-Bałkaryi, u Pryelbruśsi, znajšli cieła 26-hadovaha biełarusa. Raskazvajem, što viadoma pra jaho i pra abstaviny trahiedyi.
Chłopca zvali Ivan Sukač, jon naradziŭsia 13 červienia 1999 hoda.
Miarkujučy pa sacsietkach, Ivan skončyŭ licej BDU, pryčym z załatym miedalom. Padčas vučoby chłopiec asabliva cikaviŭsia matematykaj: naprykład, jon apynuŭsia ŭ pryziorach alimpijady pa matematycy, jakuju ładzili dla školnikaŭ pry BDU. Zajmaŭsia jon i adzinaborstvami.
Ciapierašni pachod — nie pieršyja hory ŭ žyćci Ivana. Jašče try hady tamu jon publikavaŭ u sacsietkach fota z hornaha rehijonu.
U apošni čas Ivan pracavaŭ u IT. Jon pryjechaŭ u Kabardzina-Bałkaryju adzin, pierad pachodam u hory spyniŭsia ŭ vioscy Cierskoł.
Apošni raz Ivan vychodziŭ na suviaź 3 vieraśnia. U hety dzień biełarus vypraviŭsia ŭ horny pachod. Išoŭ znoŭ adzin, svoj maršrut, nakolki viadoma, nie zarehistravaŭ. Jon źbiraŭsia padniacca z vyšyni 1900 mietraŭ da 3600 mietraŭ.
Užo na vyšyni 2 tysiačy mietraŭ u niekatorych ludziej mohuć źjavicca simptomy hornaj chvaroby, tamu što pavietra na takoj vyšyni robicca bolš razredžanym. A ŭžo na vyšyni ad 2500 mietraŭ hetyja simptomy — zvyčajnaja źjava, tamu padjom na takuju vyšyniu musić być pastupovym.
Ivan pajšoŭ u toj pachod, apranuty ŭ čornuju bajku, čornuju majku, čornyja šorty i biełyja krasoŭki. 3 vieraśnia ŭ vioscy Cierskoł, dzie spyniŭsia Ivan, było 14 hradusaŭ, i z kožnym dadatkovym kiłamietram vyšyni tempieratura padaje ŭ siarednim na 6.5 hradusaŭ.
Adzin z rasijskich telehram-kanałaŭ apublikavaŭ videa, jak Ivan pačynaje toj pachod. Kali hetaje videa sapraŭdnaje, to chłopiec na im idzie biez zaplečnika, niasie ŭ rukach štatyŭ i butelku z vadoj.
Ivana šukali niekalki dzion, u pošukach paŭdzielničali 22 čałavieki. Rasijskaje MNS vykarystała dla pošukaŭ viertalot.
U vyniku cieła chłopca znajšli na vyšyni 2800 mietraŭ la vadaspada Cierskoł. Raźbiracca ŭ trahiedyi buduć rasijskija śledčyja. Papiaredniaja viersija — Ivan sarvaŭsia ŭ biezdań.
«Naša Niva» — bastyjon biełaruščyny
PADTRYMAĆ«Padniabiennaha źbivaŭ były načalnik kałonii». Voś što raskazvajuć pra palitviaźnia, jaki zahinuŭ za kratami ŭ 36 hadoŭ4
«Padniabiennaha źbivaŭ były načalnik kałonii». Voś što raskazvajuć pra palitviaźnia, jaki zahinuŭ za kratami ŭ 36 hadoŭ
Były vykładčyk Iniaza pierajšoŭ na biełaruskuju ŭ emihracyi. Jon razvažaje pra los univiersiteta, biełarusaŭ za miažoj i adroźnieńnie nas ad palakaŭ77
Kamientary
Jon byŭ na "ty" z vyšynioj i z harami? A ź imi treba być na "Vy".